Gujarati News

નવી દિલ્‍હીઃ દેશભરની રાજ્‍યસભાની ૧૮ બેઠકો માટે ૧૯ જુને  મતદાન થશે. રાજ્‍યસભાની ૫૫ બેઠક એપ્રિલ મહિના સુધીમાં ખાલી થઇ રહી હતી. જેને  ધ્‍યાને લઇ ફેબ્રુઆરી મહિનામાં ચુંટણીપંચે ચુંટણીની તારીખો જાહેર કરી હતી. અગાઉ ૨૬ માર્ચે રાજ્‍યસભાની ચુંટણી યોજાનાર હતી પરંતુ લોકડાઉનને કારણે આ ચુંટણી ટાળી દેવામાં હતી. હવે ૧૮ બેઠકો માટે ૧૯મીએ જ્‍યાં  ચુંટણી યોજાનાર છે તેમાં આંધ્રપ્રદેશની ૪, ગુજરાતની ૪, ઝારખંડની ૨, મધ્‍યપ્રદેશની ૩, મણીપુરની ૧, મેઘાલયની ૧ અને રાજસ્‍થાનની ૩ બેઠકોનો સમાવેશ થાય છે.

નોંધનીય છે કે રાજ્‍યસભાની પપ બેઠકો માટે ચુંટણી યોજાનાર હતી પરંતુ ૩૭ બેઠકો ઉપર બિનહરિફ સભ્‍યો ચુંટાયા હતા.