Gujarati News

નવી દિલ્હી તા.૧ : દેશમાં ૬૩ ટકા મોત બુઝુર્ગોના થયા છે. યુરોપમાં ટકાવારી તેનાથી પણ વધારે છે. એટલે એવું માનવામાં આવ્યું કે આ રોગ વૃધ્ધોનો છે.પણ આઇસીએમઆરના નવા આંકડાઓ દર્શાવે છે કે દેશમાં જુવાનીઓમાં આ રોગ  પગપેસારો કરી રહયો છે. યુવાઓમાં આ રોગના સ઼ક્રમણનો દર (એટેક રેટ) સારો એવો છે.

આઇસીએમઆરએ દસ લાખ ટેસ્ટના આધારે આ નિષ્કર્ષ કાઢયો છે. તેના અનુસાર દેશમાં યુવાઓમાં પણ સંક્રમણ ઘણુ બધુ થયુ છે. યુવાઓ અને વૃધ્ધોમાં કોરોના એટેક રેટમાં બહુ ફેર નથી. રિપોર્ટ અનુસાર ર૦-ર૯ વર્ષના વય જુથમાં દર દસ લાખે કોરોના એટેક રેટ ૪૦.પ નોંધવામાં આવ્યો. જયારે ૩૦-૩૯ વય જુથમાં ૪૮.૬, ૪૦-૪૯માં પ૦.૧ અને પ૦.પ૯માં સૌથી વધુ એટલે કે ૬૪.૯ નોંધાયો હતો. ૬૦ વર્ષથી વધુ વયના લોકોને દુનિયાભરમાં આ રોગ માટે સૌથી વધારે જોખમ હોવાનું દુનિયાભરમાં મનાયુ હતુ. પણ ભારતના આંકડા કંઇક અલગ સંકેત આપે છે.

૬૦-૬૯ વય જુથમાં કોરોના એટેક રેટે અપેક્ષા કરતા ઓછો ૬૧.૮, ૭૦.૭૯માં પ૩.ર તથા ૮૦ થી વધુ વયમાં ૪૦.૯ જોવા મળ્યો. જો ર૦ વર્ષથી ઓછી વયમાં કોરોના એટેક રેટ જોઇએ તો ૧૦-૧૯માં ૧ર.૯ અને ૧૦ વર્ષથી ઓછી વયમાં ૬.૧ જોવા મળ્યો હતો. મહાવીર મેડીકલ કોલેજના કોમ્યુનીટી મેડીસીન વિભાગના ડાયરેકટર  ડો. જુગલ કિશોરનું કહેવુ છે કે તેમ છતાં મોતનું જોખમ મોટી ઉંમરના લોકોમાં જ હંમેશા વધારે રહેશે.

ટોપ ૧૦ રાજ્યો

ટોપ ૧૦ દેશ