Gujarati News

વોશિંગ્ટન તા. ૧ : વિશ્વમાં અત્યાર સુધીમાં કોરોનાના ૩૩,૦૮,૫૪૮ કુલ કેસ નોંધાયા છે તેમજ ૨,૩૪,૧૧૨ના મોત થયા છે. અમેરિકા તેનાથી સૌથી વધુ પ્રભાવિત છે, અમેરિકામાં કુલ સંક્રમિતોની સંખ્યા ૧૦,૯૫,૨૧૦ થઇ છે. તેમજ મૃત્યુઆંક ૬૩,૮૬૧ થયો છે તેમજ ૧૦,૪૨,૯૫૩ લોકો સ્વસ્થ થયા છે.

રશિયાના વડાપ્રધાન મિખાઇલ મિશુસ્તિનને કોરોના પોઝિટિવ આવતા તેઓ સેલ્ફ આઇસોલેશનમાં જઇ રહ્યા છે. વડાપ્રધાન નરેન્દ્ર મોદીએ મિખાઇલ મિશુસ્તિનના સાજા થવાની પ્રાર્થના કરી છે.

સ્પેનમાં સંક્રમિતોની સંખ્યા ૨,૩૯,૬૩૯, ઇટાલીમાં ૨,૦૫,૪૬૩, લંડનમાં ૧,૭૧,૨૫૩, ફ્રાંસમાં ૧,૬૧,૧૭૮, જર્મનીમાં ૧,૬૩,૦૦૯ તેમજ રશિયામાં ૧,૦૬,૪૯૮એ પહોંચી છે. બ્રાઝીલમાં સંક્રમિતોની સંખ્યા ૮૭,૧૮૭ તેમજ ચીનમાં સંક્રમિતોની સંખ્યા ૮૨,૮૭૪ થઇ છે. મેકસિકોમાં કુલ કેસ ૧૯,૨૨૪ થયા છે.

અંગુલા, ગ્રીનલેન્ડ, કેરેબિયન આઇલેન્ડ, સેન્ટ બાર્ટ્સ અને સેન્ટલુસિયા તેમજ યમને કોરોનાનો સંપૂર્ણપણે ખાત્મો કર્યો છે.

વિશ્વમાં કોરોનાની સ્થિતિ