Gujarati News

નવી દિલ્હી :ભાજપના ભોપાલ સીટ પરથી ઉમેદવાર સાધ્વી પ્રજ્ઞા ઠાકુર ઉપર ચૂંટણી પંચે 72 કલાક માટે પ્રતિબંધ લગાવી દીધો છે. આ પ્રતિબંધ ગુરુવારે સવારે 6 કલાકેથી શરુ થઈ જશે. ચૂંટણી પંચે સાધ્વી પ્રજ્ઞા પર આ કાર્યવાહી બાબરી મસ્જિદને લઈને આપેલ વિવાદિત નિવેદન પર કરી છે.

ચૂંટણી પંચે સાધ્વી પ્રજ્ઞા પર ચૂંટણી પ્રચાર કરવા પર ત્રણ દિવસના પ્રતિબંધ લગાવવાની જાણકારી આપી હતી કે આ કાર્યવાહી ઠાકુરની એ ટિપ્પણી ઉપર કરવામાં આવી છે જેમાં સાધ્વી પ્રજ્ઞાએ કહ્યું હતું કે બાબરી મસ્જીદ ધ્વંસ કરવા પર મને ગર્વ છે, તેનું આ નિવેદન આદર્શ ચૂંટણી આચાર સંહિતાનો ભંગ છે.