Gujarati News

કોલકતાઃ ભાજપના રાષ્ટ્રીય અધ્યક્ષ અમિતભાઇ શાહ  આજે પશ્ચિમ બંગાળના ચૂંટણી પ્રવાસે છે. તેમણે પરગણા ખાતે રેલીને સંબોધી મમતા બેનર્જી ઉપર આકરા પ્રહારો કરેલ. અમિતભાઇએ જણાવેલ કે આ ચૂંટણી દેશના અન્ય ભાગો કરતા પશ્ચિમ બંગાળ માટે વધુ મહત્વની છે કેમ કે અહિં લોકતંત્ર જીવંત રહેશે કે નહિં તે આ ચૂંટણી ઉપરથી નકકી થશે. શાહે મમતા બેનર્જી ઉપર સીંધુ જ હલ્લાબોલ કરતા જણાવેલ કે મમતા ભયભીત બન્યા છે કેમ કે લોકો મોદીની તરફેણમાં છે. એટલે જ પશ્ચિમ બંગાળમાં કેન્દ્ર દ્વારા આપવામાં આવતી વિવિધ યોજનાઓ અને ખાસ સ્વાસ્થ્ય કાર્ડ આપવામાં આવતા નથી.પશ્ચિમ બંગાળમાં ફકત બોંબ બનાવવાની ફેકટરીઓ જ સ્થપાઇ છે. બંગાળ પોતાની સંસ્કૃતિ ગુમાવી રહયું છે. ફકત ભાજપ જ પશ્ચિમ બંગાળમાં બોંબ ધડાકાઓ અટકાવી શકે છે તેમ અમિતભાઇએ અંતમાં જણાવેલ