Gujarati News

નવી દિલ્‍હી તા. ૧ : દેશમાં હાઇવે પર ચાલતા ૫૦ ટકા વાહન થર્ડ પાર્ટી વીમા વગર ચાલે છે. હવે કેન્‍દ્ર વીમા વગરના આ વાહનોના ઓન-સ્‍પોટ વીમો કરવાની તૈયારી કરી રહ્યા છે. કેન્‍દ્રની યોજનાના જણાવ્‍યા મુજબ, ટ્રાફિક પોલીસ જયારેﾠવીમા વગરના વાહન પકડશેતોﾠતેના ચલણની સાથે વાહનોને ઓન ધ સ્‍પોટ થર્ડ પાર્ટી વીમો પણ કરવામાં આવશે. વીમાપ્રીમિયમﾠરકમ વાહન માલિકના ફાસ્‍ટ ટેગ ખાતાથી કાપવામાં આવશે.

સરકાર એવી વ્‍યવસ્‍થા કરી રહી છે કે જેના હેઠળ પોલીસ અને પરિવહન વિભાગનાﾠઅધિકારીઓ એક હેન્‍ડ હેલ્‍ડ ડિવાઇઝથી રાજમાર્ગના મંત્રાલયના વાહન એપનીﾠમદદથી વાહનની સંપૂર્ણ જાણકારી મેળવશે. વાહનનો વીમો નથી થયો તો તત્‍કાલ પરિવહન વિભાગનાﾠનેટવર્ક સાથે જોડાયેલા સામાન્‍ય વીમાકર્તાઓની પોલિસી ખરીદવાનો વિકલ્‍પ મળશે.

ઓન ધ સ્‍પોટ મોટર વીમા પોલિસીઓનﾠપ્રીમિયમની તત્‍કાલ ચુકવણી માટે બેંકોનીﾠસાથે સાથે વીમા કંપનીઓને પણ ફાસ્‍ટટેગﾠપ્‍લેટફોર્મ પર લાવી શકાય છે. જેથી ફાસ્‍ટટેગના બેલેન્‍સથી વીમા પ્રીમિયમ કાપી શકાય. જનરલ ઇન્‍શયોરન્‍સﾠકંપનીનાﾠઅધિકારીએ કહ્યું કે કાઉન્‍સિલની બેઠકમાં સ્‍પોટ ઇનસ્‍યોરન્‍સﾠ પર પણ ચર્ચા કરવામાં આવી છે. હવે તેના માટે ભલામણો તૈયાર કરવામાં આવી રહી છે. ૧૭ માર્ચની બેઠકમાં તેના પાર ચર્ચા કરવામાં આવશે.