Gujarati News

નવી દિલ્‍હી તા. ૧ : આવનારા દિવસોમાં મોબાઈલ રિચાર્જ કરાવાનુંﾠવધુ મોંઘુ થઇ શકે છે. દેશની બીજી સુધી મોટી ટેલિકોમ કંપની ભારતી એરટેલ આ વર્ષના મધ્‍યમાં મોબાઈલ ટેરિફ વધવાનું એલાન કરશે.ﾠﾠ ﾠમોબાઈલ ટેરિફ વધારવાનો સંકેત ભારતી એન્‍ટરપ્રાઈઝના ચેરમેન સુનિલ ભારતી મિત્તલેﾠઆપ્‍યા છે. મિત્તલે વર્લ્‍ડ મોબાઈલ કોંગ્રેસમાં કહ્યું કે વોડાફોન-આઈડિયાનીﾠજે સ્‍થિતિ છે એવામાં દેશ વધુ એક વોડાફોન-આઈડિયા જેવી સ્‍થિતિનેﾠસહન કરી શકે નહીં. તેઓએ કહ્યું કે સર્લર અને રેગ્‍યુલેટર્સﾠઆ સ્‍થિતિથી સંપૂર્ણ રીતે વાકેફ છે. અમારે એવી મજબૂત ટેલિકોમ કંપનીઓની જરૂરિયાત છે. જે નવી ટેક્‍નોલોજીમાં રોકાણ કરી શકે.

ગ્રામીણ વિસ્‍તારોમાં શાનદાર કવરેજ આપી શકાય. સુનિલ ભારતી મિત્તલે કહ્યું કે આ વર્ષના મધ્‍યમાં મોબાઈલ ટેરિફ વધારવાના એંધાણ છે. એરટેલે હાલમાં ૮ સર્કિલ્‍સમાંﾠએન્‍ટ્રી લેવલ પેકને ૯૯ રૂપિયાથી વધીનેﾠ૧૫૫ રૂપિયા કરી દેવામાﾠઆવ્‍યું હતું.ﾠ ﾠએન્‍ટ્રી લેવલ મોબાઈલ ટેરિફના રેટ સતત વધતા જોવા મળી રહ્યા છે. છેલ્લા ત્રણ વર્ષમાં એન્‍ટ્રી લેવલ મોબાઈલ ટેરિફ ૩૪૦ ટકાથી વધુ વધી ગયા છે. જયાંﾠડિસેમ્‍બર ૨૦૧૯માં સામાન્‍ય ગ્રાહકોને સૌથી ઓછા ટેરીફના રૂપમાં ૩૫ રૂપિયાનું પેમેન્‍ટ કરવાનું હતું બીજી બાજુ તેને હવે ૧૫૫ રૂપિયાનું પેમેન્‍ટ કરવાનું હોય છે. બીજી બાજુ ૧૯૯ રૂપિયા વાળા રિચાર્જ ડિસેમ્‍બર ૨૦૧૯માં ૨૪૯ રૂપિયા અને હવે ૨૯૯ રૂપિયાનું થયું છે.