Gujarati News

બેજીંગ તા. ૨૭ : ચીનના એક સંશોધકે દાવો કર્યો છે કે તેમણે દુનિયાના પ્રથમ એવા શિશુ પેદા કરવામાં ભૂમિકા ભજવી છે, જેમના જનીનોમાં ફેરફાર કરવામાં આવ્યો છે. તેમણે જણાવ્યું હતું કે આ મહિને જન્મેલી બાળકીઓનાં ડીએનએ એક નવીનતમ અને અસરકારક રીતે બદલવામાં સફળતા મળી છે, જેનાથી નવેસરથી જીવનને આલેખી શકાશે. જો આ વાત સાચી હોય તો વિજ્ઞાનના ક્ષેત્રમાં આ એક મોટું કદમ ગણાશે.ઙ્ગઙ્ગ

એક અમેરિકન વિજ્ઞાનીએ કહ્યું હતું કે તેમણે ચીનમાં થયેલા આ સંશોધન કાર્યમાં ભાગ લીધો હતો. અમેરિકામાં આ પ્રકારે જનીન-પરિવર્તન પ્રક્રિયા પર પ્રતિબંધ છે. કેમકે ડીએનએમાં ફેરફાર ભાવિ પેઢીઓ સુધી પોતાની અસર પહોંચાડશે અને અન્ય જનીનોને નુકસાન પહોંચવાનું જોખમ છે. મુખ્ય પ્રવાહના અનેક વિજ્ઞાનીઓ માને છે કે આ પ્રકારના પ્રયોગો કરવા ખૂબ અસુરક્ષિત છે અને કેટલાકે આ મામલે આલોચના પણ કરી હતી.ઙ્ગ

ઙ્ગશેનઝાનના સંશોધકોએ હી જિયાનકુઈએ કહ્યું હતું કે તેમણે સાત યુગલો માટે નિૅંસંતાન હોવા અંગે ઉપચાર કર્યો હતો, એ દરમિયાન ભ્રૃણોને બદલ્યા હતા, જેમાં અત્યાર સુધીના એક કિસ્સામાં સંતાને જન્મ લીધો અને આ પરિણામ મળ્યું હતું. તેઓએ કહ્યું હતું કે તેમનો હેતુ કોઈ આનુવંશિક બીમારીનો ઈલાજ કે તેને રોકવાનો નથી પણ એચઆઈવી, એઈડ્સ વાયરસથી ભવિષ્યમાં ચેપ રોકવાની ક્ષમતા સર્જવાનો છે, જે લોકોને કુદરતી રીતે જ મળી શકે.

ઙ્ગજિયાનકુઈએ કહ્યું હતું કે આ પ્રયોગમાં સામેલ માતા-પિતાઓએ પોતાની ઓળખ જાહેર કરવાનો ઈનકાર કર્યો છે. તેમણે કહ્યું હતું કે તેઓ એ નહીં જણાવે કે તેઓ કયાં રહે છે અને તેમણે આ પ્રયોગ કયાં કર્યો છે. જો કે સંશોધકના આ દાવાને સ્વતંત્ર રીતે કોઈ સમર્થન મળ્યું નથી અને તેનું પ્રકાશ કોઈ મેગેઝિનમાં પણ થયું નથી કે જેમાં અન્ય વિશેષજ્ઞોએ તેને સ્વીકૃતિ આપી હોય એવું જાણવા મળી શકે.

ઙ્ગઆ સંશોધકે મંગળવારે શરૂ થનારા જનીન-એડિટિંગના એક આંતરરાષ્ટ્રીય સંમેલનના આયોજક સાથે હોંગકોંગમાં વાતચીત દરમિયાન આ ખુલાસો કર્યો હતો. જિયાનકુઈએ કહ્યું હતું, 'હું જવાબદારીને દૃઢતાથી અનુભવું છું અને ઈચ્છું છું કે આ પ્રયોગ માત્ર પ્રથમ ન રહે પણ એક ઉદાહરણ પણ બની રહે.'

આ પ્રકારના વિજ્ઞાનને અનુમતિ આપવા કે રોકવાના મામલે જિયાનકુઈએ કહ્યું હતું કે ભવિષ્ય અંગે સમાજ નિર્ણય લેશે. કેટલાક વિજ્ઞાનીઓ આ સમાચાર સાંભળીને જ સ્તબ્ધ હતા અને તેમણે આ પ્રયોગની નિંદા કરી હતી.(૨૧.૨૬)