Gujarati News

નવી દિલ્હી: આજકાલ નોર્મલ મેસેજ, વોટ્સએપ મેસેજ અને ડીએમ સામાન્ય બાબત બની ગયું છે. પરંતુ, વિશ્વમાં એક વ્યક્તિથી બીજી વ્યક્તિ સુધી મોકલાયેલ પ્રથમ મેસેજ આજકાલ ચર્ચામાં છે અને તેનું ઓક્શન કરવામાં આવ્યું હતું. મૂળ બ્રિટનની ટેલિકોમ્યુનિકેશન કંપની, વોડાફોન એ આ દુનિયાના પહેલા મેસેજની હરાજી કરી હતી. વર્ષ 1992 માં વોડાફોન કંપનીના એન્જિનિયર નીલ પેપવર્થ દ્વારા યુકેના એક મેનેજરને 3 ડિસેમ્બર,1992 માં કોમ્પ્યુટરથી એસએમએસ મોકલવામાં આવ્યો હતો. જે મેસેજમાં "મેરી ક્રિસમસ" લખવામાં આવ્યું હતું. આ વિશ્વનો પ્રથમ SMS પેરિસમાં યોજાયેલ એક ઓક્શનમાં સામેલ થયો હતો અને હરાજીમાં તેની નોન-ફંજીબલ ટોકન્સ (NFT) સ્વરૂપે બોલી લગતા, તે આખરે 107,000 યુરો ( લગભગ ₹ 91 લાખ ) ની કિંમતે વેચાયો હતો. નોન-ફંજીબલ ટોકન્સ ને NFT તરીકે ઓળખાય છે અને છેલ્લા 2 વર્ષમાં આ ડીજીટલ કરન્સી ખૂબ જ પોપ્યુલર બની ગઈ છે. દુનિયાભરમાં વિવિધ આર્ટવર્કની લે-વેચ કે નીલામી માટે NFTs નો ઉપયોગ થઈ રહ્યો છે.