Gujarati News

Gujarati News

News of Monday, 22nd April 2019

બન્ને હાથ ન હોવા છતાં ૧૦ વર્ષની છોકરી જીતી નેશનલ હેન્ડરાઇટિંગ સ્પર્ધા

ન્યુયોર્ક તા ૨૨ :  જયારે ભગવાને જન્મથી જ શારીરીક ઉણપ આપી હોય ત્યારે બાળકો કેટલી સહજતાથી એનો સ્વીકાર કરીને એ ખામીઓને કારણે આવતી મર્યાદાઓને ઓળંગી જતા હોય છે. એનો પ્રેરણારૂપ દાખલો છે, અમેરિકાના મેરિલેન્ડ રાજયના  ફ્રેડરિક ટાઉનમાં રહેતી ૧૦ વર્ષની સારા હિનેસ્લી. સારા જન્મી ત્યારથી જ તેના બન્ને હાથ અવિકસીત છે. પંજા અને  કાંડા છ ે જ  નહીં બન્ને હાથ પર બે-ત્રણ હાડકાના ઢીમચા જેવું છે, જેનો આ બાળકી આંગળીની જેમ ઉપયોગ કરી લે છે. હાથ ન હોવા છતાં તે નોર્મલ બાળકોની જેમ લખે છે. માત્ર લખે છે એટલું જ નહીં તેનાં હમઉમ્ર બાળકોની ઝડપે અને સુઘડતાથી લખે છે. હાથમાં પાંચેય આંગળીઓ ધરાવતા લોકોને પણ કર્સિવ રાઇટિંગમાં મુશ્કેલી પડે છે, જયારે સારા એકેય આંગળી ન હોવા છતાં બન્ને હાથનો ઉપયોગ કરીને એટલી ચીવટપૂર્વક  મોતીના   દાણા  જેવા અક્ષરે લખે છે. સેન્ટ જોન્સ રીજનલ કેથ્લિક સ્કુલમાં ત્રીજા ધોરણમાં ભણતી સારાએ તાજેતરમાં ૨૦૧૯ની નિકોલસ મેકિસમ કર્સિવ હેન્ડરાઇટિંગ સ્પર્ધામાં ભાગ લીધો હતો. અને તે એવોર્ડ પણ જીતી હતી. આ એવોર્ડ દર વર્ષે બે વિદ્યાર્થીઓને આપવામાં આવે છે.

સારાએ જન્મથી જ કદી નકલી હાથ પહેર્યો નથી. તેની સામે કોઇ પણ ચેલેન્જ ફેંંકે તો તે બહુ ઉત્સાહથી ઉાઠાવી લે છે. પેઇન્ટિંગ અને માટીના સ્કલ્ચર બનાવવાનું કામ પણ  સરસ રીતે કરે છે. પંજા અને કાંડા વિના તે આ બધું જે સહેલાયથી કરી લે  છે એ માટે તે સ્કુલ અને ટાઉનમાં સ્ટાર છે.

(3:32 pm IST)
  • વડાપ્રધાન મોદીના તા. 25 એપ્રિલે વારાણસીમાં થનાર મેગા રોડ શો માટે આજથી ભાજપે વારાણસીમાં ઘરે ઘરે જઈને રોડ શોમાં આવવાનું આમંત્રણ આપવાનું અભિયાન શરૂ કર્યું છે : અમિતભાઇ પણ આ રોડ શોમાં હાજર રહેશે અને બીજા દિવસે નરેન્દ્રભાઈ સાથે લોકસભા ચૂંટણીનું નામાંકન પત્ર ભરતી વખતે પણ વડાપ્રધાનની સાથે રહેશે : હવે સૌ કોઈની નજર કોંગ્રેસ પર કેન્દ્રિત થઈ છે કે પ્રધાનમંત્રી મોદીની સામે કોંગ્રેસ કોને ચૂંટણી લડાવશે? access_time 9:04 pm IST

  • ફરીવાર સાધ્વી પ્રજ્ઞા વિવાદી નિવેદનમાં ફસાયા ;કહ્યું અયોધ્યામાં મેં ઉપર ચડીને તોડ્યો હતો વિવાદી ઢાંચો ;ચૂંટણી આયોગે ફટકારી નોટિસ :24 કલાકમાં માંગ્યો જવાબ :આતંકવાદી હુમલામાં શહીદ થયેલ મહારાષ્ટ્ર પોલીસના વરિષ્ઠ અધિકારી હેમંત કરકરે અંગે આપેલ વિવાદી નિવેદન બાદ ભોપાલ સંસદીય સીટના ભાજપના ઉમેદવાર સાધ્વીએ વધુ એક વિવાદી નિવેદન આપ્યું છે access_time 11:33 pm IST

  • કોઈપણ સંસદીય બેઠક ઉપર લોકસભાની ચૂંટણીમાં કોઈપણ વિસ્તારના પોલીંગ એજન્ટ તરીકે રહી શકાશેઃ હાઈકોર્ટનો ચુકાદો : કોઈપણ સંસદીય બેઠક ઉપર લોકસભાની ચૂંટણીમાં કોઈપણ વિસ્તારના વ્યકિત પોલીંગ એજન્ટ તરીકે કામ કરી શકશે તેવો હાઈકોર્ટે ચુકાદો આપ્યો છેઃ પોરબંદર પંથકમાંથી હાઈકોર્ટમાં પીટીશન દાખલ કરવામાં આવ્યા બાદ હાઈકોર્ટે ચુકાદો આપ્યો access_time 4:12 pm IST