Gujarati News

તહેરાન, તા.૨૧: છોકરીની સુંદરતા તેના દેખાવ, શરીરના વળાંક અને ચહેરા પર આધારીત છે. દરેક જગ્યાએ સુંદરતાનો માપ બદલાય છે. ૧૯ મી સદીમાં જાડાપણું સુંદર માનવામાં આવતું હતું તે સદીની ઇરાની રાજકુમારીની સુંદરતાની વાતો આજે પણ યાદ આવે છે. ઈરાનની રાજકુમારી તાજ અલ કજર સુલતાનાએ સૌંદર્યના તમામ ધોરણોને તોડી નાખ્યા. તેના ચહેરા પર મૂછો અને જાડી ભમર હતી છતાં પણ તેને એકદમ સુંદર માનવામાં આવી હતી તે સમયે મોટાભાગના યુવાનો રાજકુમારીની સુંદરતા પર વિશ્વાસ ધરાવતા હતા અને તેની સાથે લગ્ન કરવા માંગતા હતા. પ્રિન્સેસ કાજરે દરેકની ઓફરને નકારી દીધી હતી એવું પણ કહેવામાં આવે છે કે, આ રાજકુમારીના પ્રેમમાં એકતરફી ૧૩ યુવાનોએ આત્મહત્યા કરી હતી. રાજકુમારી પહેલાથી જ અમીર હુસેન ખાન શોજા-એ-સુલ્તાનેહ સાથે લગ્ન કરી ચૂકી હતી.