Gujarati News

Gujarati News

News of Saturday, 20th October 2018

હવે સંસદમાં સંસદસભ્યનું કામ પણ રોબો કરી શકે છે

લંડન, તા.૨૦: કોઇ પણ દેશની પાર્લમેન્ટમાં સંસદસભ્યો દ્વારા કામની અને નવા પ્રોજેકટસની રજૂઆત થતી હોય છે. જોકે બ્રિટનમાં પહેલીવાર નવો અખતરો થયો. પેપર નામના રોબોએ બ્રિટનની પાર્લમેન્ટમાં રિપોર્ટની રજૂઆત કરી. નવાઇ એ હતી કે રોબોએ અમેરિકન ઉચ્ચારવાળા અંગ્રેજીમાં રિપોર્ટ રજૂ કર્યો હતો. બ્રિટનના સંસદસભ્ય રોબર્ટ હેફને રોબોને આમંત્રિત કર્યો હતો. રોબોએ આર્ટિફિશ્યલ ઇન્ટેલિજન્સ વિશે રજૂઆત કરીને સ્કૂલોમાં કેવા બદલાવ થવા જોઇએ એની રજૂઆત કરી હતી. જોકે આ રિપોર્ટ પછી લોકો બ્રિટનનાં વડાપ્રધાન થેરેસા મેની જબરી ખીલ્લી ઉડાવી રહ્યા છે. તેમણે રોબોનું નામ મેબોટ કરી નાખ્યું હતું. એક યુઝરે તો લખ્યું હતું કે શું આપણા પ્રાઇમ મિનિસ્ટર રોબો છે? બીજાએ લખ્યું હતું કે હવે વડાપ્રધાનને બદલે અગત્યની મીટિંગોમાં રોબોને જ મોકલો.

(3:56 pm IST)
  • અમદાવાદ: સરદાર પટેલની જયંતીએ 22મી ઓક્ટોબરે એકતા યાત્રા વિષયે સ્પર્ધા યોજવા આદેશ:પરીક્ષાના સમયે શિક્ષણ વિભાગે કર્યો આદેશ:શિક્ષણ વિભાગના પરિપત્રથી આચાર્યો અને સચાલકોમાં નારાજગી:વેકેશન પૂર્ણ થયા બાદ સ્પર્ધાનું આયોજન access_time 8:37 pm IST

  • સુરત:કોઝવેમાં ચિંતાજનક રીતે પાણીની સપાટી ઘટી:૫ મીટર કરતા પણ જળસપાટી ઓછી થઇ :આગામી દિવસોમાં પીવાના પાણીની થઇ શકે સમસ્યા access_time 5:22 pm IST

  • મુંબઈના કાંદિવલી પશ્ચિમમાં મિલાપ સિનેમા નજીક આવેલ પેટ્રોલ પમ્પ પાસે રિક્ષાના સિલિન્ડર બ્લાસ્ટમાં રીક્ષા ચાલક સહિત ત્રણ ઘાયલ:જખમીઓને તુંગા હોસ્પિટલ લઈ જવાયા પોલીસે વધુ તપાસ હાથ ધરી access_time 5:33 pm IST