Gujarati News

Gujarati News

News of Thursday, 19th July 2018

પ્લાન્ટસને ખાતર નાખવાની જરૂર નહી પડે, સ્વયં એ તૈયાર કરશે

નવી દિલ્હી તા. ૧૯ : ટુંક સમયમાં એવા પ્લાન્ટસ તૈયાર કરવામાં આવશે જે પોતાના માટે ખાતર તૈયાર કરશે એમ અમેરિકા સ્થિત ભારતીય મૂળના સંશોધકે  જણાવ્યુ છે. આ સંશોધકે એક એવા બેકટરિયા  વિકસાવ્યા છે જે દિવસે ઓકિસજનનો અને રાત્રે નાઇટ્રોજનનો ઉપયોગ કરે છે.  આ પ્લાન્ટ ફોટોસિન્થેસિસ માટે કલોરોફિલ તૈયાર કરવા વાતાવરણના નાઇટ્રોજનનો ઉપયોગ કરે છે.

આ સંશોધનને પગલે  પર્યાવરણને નુકશાન પહોચાડતા કેટલાક કે પછી બધા જ માનવસર્જિત  ખાતરનો વપરાશ બંધ થશે. સંશોધકનુ કહેવુ છે કે ખાતર બનાવવાના કાર્યમાં વધુ ઉર્જાનો ઉપયોગ થાય છે તેમ જ આ પ્રક્રિયામાં ગ્રીનહાઉસ ગેસ પેદા થાય છે. , પર્યાવરણમાં  થતા ફેરફારમાં અતિમહત્વનો ભાગ ભજવે છે.

ખાતર એ વાસ્તવમાં  પ્લાન્ટને નાઇટ્રોજનની પૂર્તિ કરનારુ એજન્ટ છે, જેનો ઉપયોગ પ્લાન્ટસ ફોટોસિન્થેસિસની  પ્રક્રિયા માટે કલોરોફિલ તૈયાર કરવામાં કરે છે.  પરંતુ  બજારમાં ઉપલબ્ધ ખાતરમાંથી  પ્લાન્ટસ માત્ર ૪૦ ટકા નાઇટ્રોજનનો ઉપયોગ કરે છે.

પ્લાન્ટસને ખાતર આપ્યા બાદની પણ એક સમસ્યા છે. આ ખાતર વરસાદમાં ધોવાઇને નદી, ઝરણાં, તળાવ કે ખાડીમાં  વહી જાય છે. એ ઉપરાંત ખાતરને કારણે શેવાળ ઉગી નીકે છે. આ શેવાળ અમર્યાદ વધે છે અને સુર્યપ્રકાશને  અવરોધે છે. આને કારણે  પ્લાન્ટસના  વિકાસ અને નીચે પોતાની જીવસુષ્ટિ પર અસર થાય છે.

જો કે વાતાવરણમાં લગભગ ૭૮ ટકા નાઇટ્રોજન છે, જેનો ઉપયોગ કરી પ્લાન્ટસ જીવી શકે છે. લેબમાં આવા બેકટેરિયા વિકસાવવામાં આવી રહ્યા છે. જે વાતાવરણમાંથી નાઇટ્રોજન ખેંચી પ્લાન્ટસને પહોચાડશે.

(4:11 pm IST)
  • ડાંગ જિલ્લામાં ભારે વરસાદને કારણે 23 ગામો સંપર્કવિહોણાં:15 કોઝવે પાણીમાં ગરકાઉ access_time 8:50 pm IST

  • સબરીમાલા મંદિરમાં મહિલાઓને પણ પ્રવેશનો અધિકાર :મંદિર કોઈ ખાનગી મિલકત નથી, તેમાં કોઈપણ જઈ શકે છે: સુપ્રીમની ટિપ્પણી : સુપ્રીમ કોર્ટના ચીફ જસ્ટીસ દીપક મિશ્રાએ કહ્યું છે કે દેશમાં પ્રાઈવેટ મંદિરનો કોઈ સિદ્ધાંત નથી:તે જાહેર સ્થળ છે. જો પુરૂષો જઈ શકે છે તો મહિલાઓને પણ પ્રવેશની અનુમતિ મળવી જોઈએ access_time 12:47 am IST

  • હવે બે દિવસ વરાપ રહેશેઃ કયાંક છૂટો છવાયો વરસી જાયઃ છેલ્લા કેટલાક દિવસોથી મેઘાવી માહોલ જોવા મળ્યો હતોઃ દરમ્યાન આજે ઘણા દિવસો બાદ રાજકોટ શહેરમાં સવારે સૂર્યનારાયણે દર્શન દીધા છેઃ હવામાન વિભાગ કહે છે હવે બે દિવસ વરાપ જોવા મળશે સિવાય કે એકાદ બે જગ્યાએ હળવો વરસી જાયઃ બે દિવસ બાદ એટલે કે ૨૧મીએ બંગાળની ખાડીમાં હવાનું હળવું દબાણ સર્જાશેઃ જેની અસર સૌરાષ્ટ્રમાં ૨૩-૨૪ જુલાઈના જોવા મળશે access_time 11:36 am IST