Gujarati News

બર્લિન,તા. ૧૭: કુદરત એક શરીરની રચના કરે છે. મોટાભાગના લોકો એ શરીરને સ્વીકારી લેતા હોય છે. પણ, કેટલાક એવા પણ છે, જે પોતાની મરજી મુજબ તેમાં ફેરફારો કરાવતા હોય છે. આજના સમયમાં બોડી મોડિફિકેશન એક સામાન્ય બાબત બની ગઈ છે. કેટલાક લોકો તો તેને એક અલગ લેવલ સુધી પહોંચાડવાનું કામ કરી રહ્યા છે અને તેના માટે પોતાનો જીવ પણ જોખમમાં મૂકવા તૈયાર થઈ જાય છે. આવો જ એક શખસ છે ૩૯ વર્ષનો સેન્ડ્રો.

સેન્ડ્રો જર્મનીનો રહેવાસી છે. લોકો તેને 'મિસ્ટર સ્કલ ફેસ'ના નામથી ઓળખે છે. તેણે શરીરમાં ઘણા બધા ફેરફારો કરીને પોતાનો દેખાવ બદલ્યો છે. તેણે પોતાનું માથું સ્કલ (ખોપડી) જેવું દેખાય તે માટે અને બંને કાનને કાઢી નાખવા માટે ૧૩ વર્ષમાં ૧૭ મુશ્કેલ ઓપરેશન કરાવ્યા. સાથે જ તેણે તેના માટે લગભગ ૬ હજાર પાઉન્ડ (૬. ૧૯ લાખ રૂપિયા) ખર્ચ કર્યા છે.

ગત વર્ષોમાં સેન્ડ્રોએ બોડી મોડિફિકેશન દ્વારા પોતાના દેખાવને ઘણો બદલી નાખ્યો છે. તેનું કહેવું છે કે, તેમ કરવાથી તેનો કોન્ફિડન્સ વધ્યો છે. તેણે કહ્યું કે, 'જો કોઈ મને ઘૂરે છે કે મને પાગલ કહે છે, તો હું તેને જવાબમાં કહું છું કે, કોમ્પલિમેન્ટ માટે આભાર. નેટેટિવ કોમેન્ટ્સને એક કાનથી સાંભળીને બીજા કાને બહાર કાઢી દઉં છું.લૃ સેન્ડ્રો ઈન્સ્ટાગ્રામ પર સ્કલ ફેસના નામથી છે, જયાં તેને લગભગ ૫૦૦ લોકો ફોલો કરે છે.

સેન્ડ્રોએ પોતાના કાનને કઢાવી નાખવા ઉપરાંત પોતાની જીભને પણ બે ભાગમાં કપાવી છે. એવા જ ઘણા ચોંકાવનારા ફેરફારો તેપોતાની બોડીમાં કરતો રહે છે. તેણે પોતાના કઢાવી નાખેલા કાનોને એક બરણીમાં મૂકી રાખ્યા છે. જોકે, પોતાના શરીરમાં આ ફેરફારો કરવા માટે તેને ઘણી મુશ્કેલીઓમાંથી પણ પસાર થવું પડ્યું છે. પરંતુ, તે પોતાના શરીરથી ખુશ છે. હવે તે પોતાના નાકની ટીપને હટાવવા માંગે છે અને આંખોની કીકીઓમાં ટેટૂ કરાવવા ઈચ્છે છે.