Gujarati News

Gujarati News

News of Friday, 16th April 2021

કોરોના મહામારીના કારણોસર દુનિયા આખીની અર્થવ્યવસ્થા ભાંગી પડી ત્યારે ચીનનો જીડીપી 18.3ટકાએ પહોંચાડતા સહુ કોઈને આષ્ચર્ય

નવી દિલ્હી: કોરોના વાયરસ મહામારીના કારણે દુનિયાભરની અર્થવ્યવસ્થા પડી ભાંગી છે, તો ચીને માર્ચના પહેલા ક્વાર્ટરમાં રેકોર્ડ 18.3 ટકાનો રેકોર્ડ GDP ગ્રોથ હાંસલ કરી સૌ કોઈને ચોંકાવી દીધા છે. કહેવામાં આવી રહ્યું છે કે નિકાસ અને ઘરેલૂ બજારમાં સારી માગ અને સરકાર દ્વારા સતત નાના વેપારીઓને સહયોગના કારણે રેકોર્ડ વધારો થયો છે. જોકે, વધારો બેસ ઈફેક્ટનું પરિણામ પણ લાગે છે, કારણ કે ચીને અન્ય દેશો પહેલા અમુક શહેરોમાં લોકડાઉન જેવા ઉપાયો કર્યા હતા અને તે કોરોનાનો સામનો કરવામાં સૌથી આગળ રહ્યો છે.ચીનમાં તેના કારણે જાન્યુઆરીથી માર્ચ 2020ના ક્વાર્ટરમાં GDP માં 6.8 ટકાનો ભારે ઘટાડો આવ્યો હતો.

         ઉલ્લેખનીય છે કે, કોરોના સંકટના કારણે ગયા વર્ષે ચીનની ઈકોનોમીમાં પણ ભારે ઘટાડો જોવા મળ્યો હતો, એટલું નહીં ભારત સહિત દુનિયાના ઘણાં દેશોની અર્થવ્યવસ્થાઓમાં મંદીનો સિલસિલો ચાલી રહ્યો હતોભારતે ગયા વર્ષે જૂનમાં 23.9 ટકાનો રેકોર્ડ GDP ઘટાડો જોયો હતો. ભારતીય ઈકોનોમીમાં સુધારો તો થયો છે પણ ડિસેમ્બર 2020ના ક્વાર્ટરમાં ભારતની GDP માત્ર 0.4 ટકા વધી છે. પ્રમાણે ચીનનો વધારો ચોંકાવનારો છે.

(6:42 pm IST)
  • સીબીઆઈના પૂર્વ વડાનો કોરોનાએ જીવ લીધો : દેશની સર્વોચ્ચ જાસૂસી સંસ્થા સીબીઆઈના પૂર્વ વડા રણજીત સિંહાનું કોરોના પોઝીટીવ આવતા સારવાર દરમિયાન મૃત્યુ થયુ છે : એમનો કોરોના ડીટેકટ થયા પછી ૨૪ કલાકમાં જ દિલ્હી ખાતે તેમનું અવસાન થતા ઘેરા શોકની લાગણી પ્રસરી છે access_time 12:54 pm IST

  • રાજકોટની ભાગોળે પાળ ગામે દુકાન સાંજે ૫ થી ૭ સુધી જ ખુલ્લી રહેશે : રાજકોટની બાજુમાં આવેલ પાળ (જખરાપીર વાળુ) ગામે દુકાનો એક સપ્તાહ માટે દરરોજ સાંજે ૫ થી ૭ વાગ્યા સુધી જ ખુલ્લી રહેશે તેમ ગામના સરપંચશ્રીએ નિર્ણય જાહેર કર્યો છે access_time 3:59 pm IST

  • જો લોકો હાલમાં લાદવામાં આવેલા કોવિડ19 નિયંત્રણોનું પાલન નહી કરે તો આપણે ગયા વર્ષની જેમ ફરી લોકડાઉન લાદવું પડી શકે છે : મહારાષ્ટ્રના નાયબ મુખ્યમંત્રી અજિત પવાર access_time 11:01 pm IST