Gujarati News

Gujarati News

News of Tuesday, 13th February 2018

શું તમે તમારી જાત પર હસી શકો છો? તો માનસિક સ્વાસ્થ્ય સારું રહેશે

ટોરેન્ટો તા. ૧૩ :.. કેટલાક લોકો વાતચીતમાં પોતાની જ જાત પર જોક મારીને વાતને વધુ સ્પષ્ટતાપૂર્વક રજૂ કરતા હોય છે. આવા લોકોનું માનસિક સંતુલન અને સ્વાસ્થ્ય ઘણું જ મજબુત હોય છે. પર્સનાલીટી એન્ડ ઇન્ડિવિજયુઅલ ડિફરન્સિસ નામની જર્નલમાં છપાયેલા અભ્યાસમાં સ્પેનની યુનિવર્સિટી ઓફ ગ્રેનેડાના નિષ્ણાતોએ કહ્યું છે કે જે લોકો પોતાની જાતને ઉતારી પાડતી મજાક કરતા હોય તેમના મનમાં પોતાના વિશે નકારાત્મક અસરો ઓછી થતી હોય છે. આવા લોકો સ્વસ્થતા પૂર્વક સમાજમાં હળીભળી જતા હોય છે અને પોતાની જાત પર હસીને લોકોની સાથે વધુ સારું કનેકટ કરતા હોય છે. મજાક અને ટીખળની દરેક વ્યકિત પર અસર થતી હોય છે. મજાક કરનારાઓ બીજાની ટીખળને દરેક વખતે એટલી સ્વસ્થતાપૂર્વક લઇ નથી શકતા. જે લોકો વાતચીતમાં ઉદાહરણ તરીકે પોતાની  જાત પર જ ટીખળ કરવાની ક્ષમતા ધરાવતા હોય તેઓ માનસિક રીતે વધુ સ્વસ્થ અને મજબુત હોય છે.

(3:35 pm IST)
  • અમેરિકી રાષ્ટ્રપતિ ડોનાલ્ડ ટ્રમ્પના દિકરા ડોનાલ્ડ ટ્રમ્પ જુનિયરના પત્ની વેનેસા ટ્રમ્પને સોમવારે સવારે ન્યૂયોર્ક સિટી હોસ્પિટલમાં દાખલ કરવામાં આવ્યા હતા. તેમણે પોતાના પતિના નામે આવેલા અનામી કવરમાં ભેદી સફેદ પાવડર સ્પર્શ કર્યા બાદ સુરક્ષાના ભાગરૂપે તેમને હોસ્પિટલ લઇ જવાયા હતા. ડોકટરી તપાસ બાદ માલુમ પડ્યું છે કે પાવડર જોખમી ન હતો. access_time 4:08 pm IST

  • દુબઈમાં તૈયાર થઈ વિશ્વની સૌથી ઊંચી હોટલ : દુબઈએ વિશ્વની સૌથી ઉંચી હોટલ બનાવી પોતાનો જ રેકોર્ડ તોડ્યો : આ છે હોટલ ગેવોરા. જે વિશ્વની સૌથી ઉંચી હોટલ છે. હોટલની ઉંચાઈ 356 મીટર છે. એટલે કે 1 હજાર 186 ફૂટ. સોનાથી બનેલી હોટલ ગેવોરા 75 માળની છે. જેમાં 528 રૂમો છે. જેમાં 232 ડિલક્સ રૂમ, 265 વન બેડ રૂમ ડિલક્સ રૂમ અને 31 ટુ બેડરૂમ સ્યુટ છે : હોટલ ગેવોરા શેખ ઝાયદ રોડ પર દુબઈ ઈન્ટરનેશનલ ફાયનાન્સ સેક્ટર પાસે આવેલી છે : આ હોટલમાં ચાર રેસ્ટોરન્ટ, ઓપન એર સ્વિમિંગ પૂલ, જાકુઝી અને હેલ્થ ક્લબ પણ છે : આ વિશાળ હોટલમાં 6 લિફ્ટ છે. દરેક લિફ્ટ 26 કિમી પ્રતિ કલાકની સ્પીડે દોડે છે : આ પહેલા પણ વિશ્વની સૌથી ઉંચી હોટલનો રેકોર્ડ દુબઈના નામે જ હતો. હોટલ જે ડબ્લ્યુ મેરિએટ માર્કિસની ઉંચાઈ કરતા હોટલ ગેવોરા ફક્ત એક મીટર ઉંચી છે access_time 9:39 am IST

  • આલેલે!! વસુંધરાએ બોલેલું ફેરવી તોળ્યુ!! : ''અભી બોલો અભી ફોક'' : ગઈકાલે બજેટમાં ખેડૂતોના ૮ હજાર કરોડના દેવા માફ કરવાની જોગવાઈનો અમલ થશે જ તેવી કોઈ ગેરંટી નથી : જુદી જુદી જોગવાઈઓના સંપૂર્ણ અમલમાંથી રાજસ્થાનના મુખ્યમંત્રી શ્રીમતી વસુંધરા રાજેની પીછેહટ access_time 4:16 pm IST