Gujarati News

Gujarati News

News of Friday, 12th January 2018

ફેસબુક લાવશે વીડિયો ચેટ પ્રોડકટ

મેમાં હોમ વીડિયો ચેટ પ્રોડકટ પણ લોન્ચ કરશે, જેનું નામ હશે 'પોર્ટલ'

ન્યૂયોર્ક તા. ૧૨ : ફેસબુક હવે હાર્ડવેર પ્રોડકટ માર્કેટમાં ઉતારવાની યોજના બનાવી રહી છે અને આગામી મેમાં હોમ વીડિયો ચેટ પ્રોડકટ પણ લોન્ચ કરશે, જેનું નામ 'પોર્ટલ'હશે. આ પ્રોડકટ એમઝોનના એકો શો અને ગૂગલ અસિસ્ટન્ટથી ચાલતા ટચસ્ક્રીન્સને ટક્કર આપશે.

ઓનલાઇન ન્યૂઝ નેટવર્ક ચેડ્ડરના એક રિપોર્ટ મુજબ, 'પોર્ટલ' ફેસબુકની સિક્રેટિવ બિલ્ડિંગ ૮ લેબમાંથી નીકળેલી પહેલી હાર્ડવેર પ્રોડકટ હશે, જે મેમાં લોન્ચ કરવામાં આવશે. ફેસબુકની એફ૮ ડેવલેર કોન્ફરન્સનું પણ આયોજન કરવામાં આવી શકે છે. એવી આશા વ્યકત થઈ રહી છે કે, આ દરમિયાન આ પ્રોડકટ લોન્ચ કરવામાં આવશે.

રિપોર્ટમાં દાવો કરવામાં આવ્યો છે કે, ફેસબુક આ ડિવાઇસને ૪૯૯ ડોલર (લગભગ ૩૧,૮૦૦ રૂપિયા)માં વેચશે, જે ઓનલાઇન અને ઓફલાઇન બંને સ્ટોર્સ પર ઉપલબ્ધ હશે.

'પોર્ટલ'એમઝોનના એકો શો અને ગૂગલ અસિસ્ટન્ટથી ચાલતા ૪ સ્માર્ટ સ્પીકર્સને ટક્કર આપશે, જેણે આ અઠવાડિયે સીઈએસ ૨૦૧૮ (કન્ઝયુમર ઇલેકટ્રોનિક શો)માં સોની, સેમસંગના નિયંત્રણ હેઠળની જેબીએલ, એલજી અને લેનોવોને લોન્ચ કર્યું હતું.

'પોર્ટલ'માં એક સ્ક્રીન લાગેલી હશે, જેનાથી તમે વીડિયો કોલ કરી શકશો. આ સાથે તેની પર ગીત અને વીડિયો પણ જોઈ શકશો. તેમાં એક વાઇડ એન્ગલ લેન્સ પણ હશે, જે લોકોનો ચહેરો ઓળખી તેને ફેસબુક એકાઉન્ટ સાથે જોડશે.

(9:34 am IST)
  • એક્વાડોરે વિકિલીક્સના સ્થાપક જુલિયન અસાંજેને પોતાની નાગરિકતા આપી : સ્વીડન પોલીસ તેની રેપ કેસમાં ધરપકડ ન કરે એ ડરથી અસાંજે પાંચ વર્ષથી વધુ સમયથી લંડનમાં એક્વાડોરના દૂતાવાસમાં આશ્રયમાં રહેતા હતા : તેના પર રેપનો આરોપ હતો, પણ સ્વીડનેએ આરોપો તેના પર થી રદ કર્યા હતા access_time 9:31 am IST

  • શુક્રવારે બ્લાઇન્ડ ક્રિકેટ વર્લ્ડ કપના ત્રીજા મેચમાં ભારતે પાકિસ્તાનને સાત વિકેટે હરાવ્યું હતું. આ ટુર્નામેન્ટ યુનાઇટેડ આરબ એમિરેટ્સમાં રમાય રહી છે. access_time 6:52 pm IST

  • અમેરિકાના દક્ષિણ કેલિફોર્નિયામાં આવેલા ભારે વરસાદ બાદ પૂરની સ્થિતિ સર્જાઈ છે. કેલિફોર્નિયામાં અનેક વિસ્તારોમાં ભૂસ્ખલનની ઘટના બની છે, જેના કારણે હજારો લોકો બેઘર થઈ ગયા છે અને 17 લોકોના મોત નિપજ્યા છે. જ્યારે 20થી વધુ લોકો લાપતા છે. મૃત્યુઆંક હજુ પણ વધે તેવી શક્યતા સેવાઈ રહી છે. access_time 6:16 pm IST