Gujarati News

Gujarati News

News of Tuesday, 11th May 2021

એલિયન્સે તેનું બાવન વખત અપહરણ કર્યું : મહિલા

બ્રિટનની મહિલાએ એકની તસ્વીર પણ બનાવી : બ્રિટનની મહિલાએ કહ્યું કે, તે જયારે ઘણી નાની હતી ત્યારે પહેલી વખત એલિયન્સે તેનું અપહરણ કર્યુ હતું

લંડન,તા.૧૧: અવારનવાર દાવો કરવામાં આવે છે કે, બ્રહ્માંડમાં એલિયન્સ છે અને તે અવાર-નવાર ધરતી પર આવે છે. આ દરમિયાન બ્રિટનની એક મહિલા પાઉલા સ્મિથે દાવો કર્યો છે કે, એલિયન્સે તેનું ૫૨ વખત અપહરણ કર્યું છે અને તેને ઉઠાવીને યુએફઓમાં લઈ ગયા છે. એટલું જ નહીં પાઉલાએ પોતાના આ દાવાનું સમર્થન કરતા કેટલાક પુરાવા પણ આપ્યા છે. બ્રેડફોર્ડ વિસ્તારમાં રહેતી પાઉલાએ કહ્યું કે, એલિયન્સને તેનું પહેલી વખત અપહરણ કર્યું ત્યારે તે ઘણી નાની હતી.

પાઉલા જણાવ્યું કે, અત્યાર સુધીમાં એલિયન્સ તેનું ૫૨ વખત અપહરણ કરી ચૂક્યા છે. તેણે પોતાના શરીર પર કેટલાક નિશાનની તસવીર પણ બતાવી. તેનો દાવો છે કે, એક વખત અપહરણ કર્યા બાદ એલિયન્સે તેના શરીર પર આ નિશાન બનાવી દીધા હતા. તેણે એલિયનની એક તસવીર કાગળ પર બનાવીને કહ્યું કે, તે આ પ્રકારના દેખાતા હતા. ડેઈલી સ્ટારના અહેવાલ મુજબ, પાઉલાએ કહ્યું કે, 'મેં આવી ૫૨ ઘટનાનો અનુભવ કર્યો છે. કોઈ ચેતવણી આપવામાં આવી ન હતી અને મને એવું લાગ્યું પણ નહીં કે, કંઈક થવા જઈ રહ્યું છે. આ અચાનકથી બન્યું. મેં બસ તેને સામાન્ય રીતે લીધું, નહીં તો હું પાગલ થઈ ગઈ હોત.' તેણે દાવો કર્યો કે, યુએફઓની અંદર તેને લઈ જવાતી હતી. તેણે કહ્યું કે, 'હું એક અવકાશ યાનમાં હતી અને એલિયન્સે તેને એવી ટેકનિક બતાવી જે આપણી પાસે નથી. બ્રિટનની મહિલાએ જણાવ્યું કે, એલિયન્સે તેને એક સ્લાઈડ શો બતાવ્યો, જેમાં મને અનુભવ થયો કે, તે એક ફિલ્મ છે, જેમાં દર્શાવાયું છે કે, મનુષ્યની લાલચથી ધરતીનો અંત આવી ગયો. પરિવહન વિભાગમાં કામ કરતી પાઉલાએ દાવો કર્યો કે, જ્યારે તે ધરતી પર પાછી ફરી તો તેના ચહેરા અને હાથ પર નિશાન હતા. તેણે કહ્યું કે, વર્ષ ૧૯૮૨માં તેણે પહેલી વખત અવકાશ યાન જોયું હતું.

(3:12 pm IST)
  • પશ્ચિમ બંગાળ વિરોધ પક્ષના નેતા તરીકે શુભેન્દુ અધિકારીની નિમણુંક : મમતા બેનર્જીને નંદીગ્રામ બેઠક ઉપરથી 1900 મતે હરાવવાનું ઇનામ : એક સમયના મમતા બેનર્જીના નિકટના સાથીદાર હવે સૌથી મોટા વિરોધ પક્ષ ભાજપના નેતા બન્યા access_time 6:49 pm IST

  • સર્વાનુમતે અતુલભાઈ કમાણી રાજકોટ માર્કેટ યાર્ડ કમિશન એજન્ટ્સ એસો.ના પ્રમુખ બન્યા : અતુલભાઈ કમાણીની રાજકોટ માર્કેટ યાર્ડ કમિશન એજન્ટ્સ એસો.ના પ્રમુખપદે અને ઉપપ્રમુખ તરીકે કિશોરભાઈ દોન્ગા સહિતના હોદ્દેદારોનીની વરણી સર્વસંમતિથી જાહેર થઈ. access_time 4:57 pm IST

  • દેશના ૧૪ મોટા રાજ્યોમાં સંપૂર્ણ લોકડાઉન: ગુજરાત આંધ્ર અને પશ્ચિમ બંગાળ માત્ર આ ત્રણ મોટા રાજ્યોમાં પૂર્ણ લોકડાઉન નથી, રાત્રિ કરફ્યુ અને કેટલાક નિયંત્રણો અમલમાં, ગુજરાત સરકાર આજે મોડેથી કોઈક નિર્ણય લ્યે તેવી સંભાવના દેશના ચૌદ મોટા રાજ્યોએ તેમના તેમને ત્યાં સંપૂર્ણ લોકડાઉન લાદી દીધું છે, હવે માત્ર ગુજરાત, આંધ્ર પ્રદેશ અને પશ્ચિમ બંગાળ આ ત્રણ જ મોટા રાજ્યો રહ્યા છે જ્યાં નાઈટ કફર્યું અને કેટલાક નિયંત્રણો લાગુ કરાયા છે, પરંતુ આ ત્રણ રાજ્યોમાં કોઈ જ લોકડાઉન લાદવામાં આવ્યું નથી. વડાપ્રધાનશ્રીએ વારંવાર કહ્યું છે કે લોકડાઉન છેલ્લા ઉપાય તરીકે લાદવામાં આવે. આજે તેલંગાણા રાજ્યએ પણ આવતીકાલથી અમલી બને તે રીતે દસ દિવસનું લોકડાઉન લાદી દીધું છે. જો કે લોકોની સુવિધા માટે સવારે ૬ થી ૧૦ તમામ કામકાજ ચાલુ રાખવાની છૂટ આપી છે: *ન્યૂઝફર્સ્ટ access_time 4:51 pm IST