Gujarati News

જાપાનમાં એક આખો આઇલેન્ડ જ ‘ગુમ’ થઈ ગયો છે. મામલો છે જાપાનનાં હોકાડાડો નામનાં વિસ્તારનો. આ આઇલેન્ડ પર વસતી ન હતી. આઇલેન્ડનું નામ એસાન્બે હનાકીતા કોઝીમા છે. ઘણા દિવસોથી કોઈ પણ આ આઇલેન્ડને નોટિસ ન કરતા હતા અને અચાનક તે ગુમ થઈ ગયો.

આઇલેન્ડ સમુદ્રમાં ડૂબી ગયો, પણ કોઈએ તેને ડૂબતા જોયો નથી. સૌથી પહેલા આ વાતને આગળ લાવનારા છે- લેખક હિરોશી શિમિજુ. તેમણે આ ક્ષેત્ર પર મુસાફરી પણ કરી છે અને ગુમ થઈ ગયેલ આઇલેન્ડ પર બુક પણ લખી છે.

હિરોશીને સ્થાનિક લોકોએ કહ્યું કે આ ટાપુ ભૂમિ પરથી નથી દેખાતો અને ન તો આસપાસની હોડીમાંથી. સ્થાનિક લોકોએ આઇલેન્ડ વિશે અધિકારીઓને પણ ફરિયાદ કરી છે, પરંતુ કોઈએ શોધ્યો નથી.

આ આઇલેન્ડ સમુદ્ર સપાટીથી માત્ર 1.4 મીટર જ ઉપર હતો. જાપાન સરકારે આઇલેન્ડની શોધમાં ‘બચાવ મિશન’ શરૂ કર્યું છે. જો કે, એક અધિકારીએ આશંકા બતાવી છે કે હિમવર્ષાને લીધે આઇલેન્ડ ગુમ થયો છે.