Gujarati News

 લંડનઃતા.૧, નેધરલેન્ડ્સના એક ફાટક પાસેનો વિડિયો હમણાં વાઇરલ થયો છે. એ જોતાં જ ભલભલાનો શ્વાસ અધ્ધર થઈ જાય એમ છે. સાઇકલ લઈને જઈ રહેલા એક ભાઈ બંધ ફાટકની નીચેથી અંદર જાય છે ત્યારે તેને ડાબી બાજુથી એક માલગાડી આવતી દેખાય છે. તે એ માલગાડીને જવા દે છે અને તરત જ સાઇકલ પર ચડીને ટ્રેક ક્રોસ કરે છે. જોકે દૂરના ટ્રેક પર જમણી બાજુથી બીજી સુપરફાસ્ટ ટ્રેન આવી રહી છે એ માલગાડીને કારણે તેને દેખાતી નથી. તે ઓલમોસ્ટ ટ્રેક પર પહોંચે છે ત્યારે જ ટ્રેન પણ તેની એટલી નજીક આવી જાય છે કે તેના બચવાના ચાન્સ બહુ મુશ્કેલ લાગે છે.

જોકે સમયસૂચકતા વાપરીને ચાલક સાઇકલ સ્પીડમાં ભગાવીને ટ્રેક ઓળંગી જાય છે. જાણે 'કિક ' ફિલ્મમાં સલમાન ખાને ચાલતી ટ્રેન સામે સાઇકલનો સ્ટન્ટ કરેલો એવું જ દૃશ્ય રચાય છે. આ વિડિયો સ્થાનિક રેલ-કંપનીએ અપલોડ કર્યો હતો જે એક વીકમાં આઠ લાખ વાર જોવાઈ ચૂકયો છે.