Gujarati News

Gujarati News

News of Friday, 1st June 2018

હવે બેબીને પબ્લિકમાં બ્રેસ્ટફિડિંગ કરાવતી વખતે સંકોચ નહીં અનુભવે મહિલાઓ!

આ ક્રિએટીવ મધરે બનાવી ગજબની ટી-શર્ટ

લંડન તા. ૧ : એક મહિલાએ બાળકને જાહેરમાં સ્તનપાન કરાવતી વખતે નર્વસ થતી મહિલાઓ માટે એક જબરદસ્ત શોધ કરી છે. લોરેન હેમ્પશાયર નામની ૩૪ વર્ષની મહિલાએ પોતાના બીજા બાળકના જન્મ બાદ 'ધ મિલ્કી ટી કંપની'નામની પોતાની કંપની શરૂ કરી. બીજી વાર માતા બન્યા બાદ તેણે નોંધ્યું કે, પોતાના જેવી મહિલાઓ પાસે બાળકોને સાવચેતીપૂર્વક રાખવા સિવાય પોતાના માટે સ્ટાઈલિશ રહેવા જેવું કંઈ જ નથી.

લોરેન મૂળરૂપે ઉત્તર આયર્લેન્ડથી છે પણ હવે મેડસ્ટોન, કેન્ટમાં રહે છે. તેને પોતાની બે દીકરીઓ સોફિયા (૫) અને સિએના(૨)ને જોયા બાદ સિક્રેટ ઝીપ સાથેની ટી-શર્ટનો આઈડિયા આવ્યો. આ ટી-શર્ટની રેન્જ ૨૬.૯૯ પાઉન્ડ (૧૮૨૦ રૂપિયા) છે અને તે ખૂબ જ પોપ્યુલર થઈ ગઈ છે. આ ટી-શર્ટ માટે લોરેન 'રિચર્ડ બ્રેસ્નન્સ વર્જિન બિઝનેસ ૨૦૧૮ વુમ એવોર્ડ'જીતી ચૂકી છે.

પોતાના વિચાર વિશે જણાવતા લોરેન કહે છે કે, 'મને આ વિચાર મારી પુત્રીને સ્તનપાન કરાવતી વખતે આવ્યો. મેં એવી માતાઓને ધ્યાનમાં રાખીને ટી-શર્ટ બનાવી જે સાર્વજનિક સ્થળો પર પોતાના બાળકને સ્તનપાન કરાવવામાં અસહજ અનુભવે છે. હું વિશ્વાસ નહોતી કરી શકતી કે, ૨૦૧૬માં આનાથી સારો બીજો કોઈ વિકલ્પ હોઈ શકે. હું અવારનવાર મારી પુત્રીઓને ફીડ કરાવતી વખતે એક હ્યુમન મિલ્કિંગ મશીન જેવું ફીલ કરતી હતી. મેં હું પહેરી શકું એવા કપડાં શોધવામાં ખૂબ જ સંઘર્ષ કર્યો છે.'

'મારી નાની દીકરી સ્તનપાન જ કરતી હતી અને બોટલમાં આપેલું દૂધ નહોતી પીતી. મારી પાસે આના માટે બીજો કોઈ વિકલ્પ જ નહોતો અને અવારનવાર તેને પબ્લિકમાં ફીડ કરાવવું પડતું. મને આ બધું અસહજ લાગતું. મેં એક વાર તેને બ્લેન્કેટ ઓઢાડી ફીડ કરાવ્યું તો મારી દીકરીએ તે ખેંચી કાઢ્યું.'

બાળકોના જન્મ પહેલા હું હંમેશા જીન્સ અને ટી-શર્ટમાં જ રહેતી હતી પણ બાળક થયા પછી મને લાગ્યું કે મારી પાસે વિકલ્પો ઓછા થઈ ગયા છે અને હું ફ્રમ્પી અથવા ઓલ્ડ ફેશનના મેટરનિટી કપડાં જ પહેરી શકતી હતી જે જરાંય સ્ટાઈલિશ નહોતા.

આ ક્રિએટિવ મમ્મી તેની સાસુ કે, જેઓ પહેલા દાયણ હતા અને એક સિલાઈ મશીન પર કામ કરતા હતા તેમની સાથે મળીને ટી-શર્ટ ડિઝાઈન કરી અને બાદમાં તેને બ્રાન્ડ બનાવી દીધી.

આ ટોપમાં બંને સાઈડમાં બગલની નીચે ઝીપ આપવામાં આવી છે, જે બ્રેસ્ટફિડિંગ વખતે આસાની ખોલી શકાય છે અને સેલ્ફ-કોન્સિયસ માતાઓના પ્રાઈવેટ પાર્ટને કવર કરે છે.

(10:39 am IST)
  • વનડે રેકિંગમાં નેપાળ,નેધરલેન્ડ,સ્કોટલેન્ડ અને યુએઈનો આઇસીસીએ કર્યો સમાવેશ :જોકે આ ટીમોના રેકિંગમાં સામેલ થવાથી ટોચની 12 ટીમોના રેકિંગમાં કોઈ ફેરફાર થયો નથી :નેધરલેન્ડની ગયા વર્ષે જયારે અન્ય ત્રણ ટીમોને આ વર્ષે વનડે રમવાનો દરજ્જો મળ્યો છે access_time 1:06 am IST

  • મેઘાલયમાં વિજય બાદ કોંગ્રેસ સૌથી મોટી પાર્ટી :મેઘાલયની અપાતી વિધાનસભા સીટ પર કોંગ્રેસની જીતથી સૌથી મોટી પાર્ટી બનવા છત્તા વિપક્ષમાં બેસશે:60 સભ્યોની વિધાનસભામાં કોંગ્રેસના હવે 21 ધારાસભ્યો થયા: સતાધારી એનપીપીથી એક સીટ વધુ છે :એનપીપીનાં નેતૃત્વવાળી સરકારમાં ભાજપના 2,યુડીપીના 6,પીડીએફના 4,એચએસપીડીપી2,એનસીપી 1,અને 2 અન્ય મળીને સરકાર બની છે access_time 1:17 am IST

  • સુરતથી ઉપડેલી તાપ્તી ગંગા ટ્રેનમાં ગેસકટરથી બાકોરું પાડીને લાખો રૂપિયાના પાર્સલની ચોરી : સાહગંજ સ્ટેશને ચોરીની જાણ થતા બોગીને સુરત લવાઈ : તપાસ શરૂ : સુરતથી ઉપડેલી તાપ્તી ગંગા ટ્રેનમાં ચોરી ગેસ કટરથી બાકોરું પાડી લાખો રૂપિયાના પાર્સલોની ચોરી થયાનું જાણવા મળે છે ટ્રેન સાહગંજ સ્ટેશને પહોંચતા થઇ ચોરીની જાણ થતા ચોરી થયેલી બોગીને સુરત લવાઈ છે આ સમગ્ર મામલે રેલવે પોલીસ તપાસ હાથ ધરશે access_time 1:11 pm IST