Gujarati News

આણંદ સીટીમાં આવેલ જહાંગીરપુરા તળાવમાંથી એક નવજાત શીશુ મળી આવ્યું હતું. બાળકનો મૃતદેહ પાણી પર તરતો દેખાતા સરપંચ દ્વારા પોલીસને જાણ કરાઈ હતી. પોલીસે આ ઘટનામાં તપાસના દોર શરુ કર્યા હતા. જેમાં એક મજુરી કરતી મહિલાએ તેના પ્રેમી સાથે રચાયેલ પ્રણયમાં એક દિકરાને જન્મ આપ્યો હતો. આ દિકરો લોકો જોતા જ તેમને તેમના પ્રેમ પ્રકરણની જાણ થઈ જશે તેમ વિચારી કળીયુગી માતાએ પોતાના નવજાત બાળકને પાણીમાં ફેંકી દીધું હતું. આ ઘટનામાં પોલીસે બંન્ને પ્રેમીઓને ઝડપી કોર્ટમાં રજુ કરતાં જેલમાં મોકલવાનો હુકમ કર્યો હતો. આણંદમાં થોડા દિવસ પહેલા જહાંગીરપુરા તળાવમાં એક નવજાત બાળક મળી આવ્યાની વાતે ચકચાર મચાવી હતી. આ બાળકને દેખતા જ સરપંચે આણંદ સીટી પોલીસને જાણ કરી હતી. જેથી પોલીસે બાળકને પાણીની બહાર કાઢી આગળની કડક કાર્યવાહી હાથધરી હતી. આ ઘટનામાં જહાંગીરપુરામાં રહેતી શહેનાઝબાનું ઉર્ફે પ્રેરણા ઈર્સાદ મહંમદ પઠાણ  અને રાકેશ બુધાભાઈ જાદવ વચ્ચે પ્રેમ સબંધો હતો.