Gujarati News

રાજકોટ :. રાજ્ય સરકારે ઉનાળુ અને દિવાળી વેકેશન ઉપરાંત આ વખતે પ્રથમ વખત નવરાત્રીનું અઠવાડીયાનું વેકેશન રાખવાનું જાહેર કર્યુ છે. તેની સીધી અસર નાતાલના વેકેશન પર પડવાની સંભાવના છે. કેટલીક શાળા-કોલેજોના સંચાલકો ડીસેમ્બરના છેલ્લા અઠવાડીયામાં નાતાલની લાંબી રજા રાખતા હોય છે. આ વખતે નવરાત્રીમાં અઠવાડીયાનુ વેકેશન આવી જતા આવી સંસ્થાઓએ હવે નાતાલમાં વેકેશન કેમ રાખવું ? તેવો સવાલ ઉઠાવ્યો છે. આ બાબતે સરકારમાં રજુઆત થવાની સંભાવના છે. વારંવાર વેકેશનથી શૈક્ષણિક કાર્ય પૂર્ણ કરવામાં મુશ્કેલી પડે છે તેવું વેકેશનનો વિરોધ કરનારાઓનું કહેવુ છે. સરકારે યુવા વર્ગને આકર્ષવા નવરાત્રીનું વેકેશન આપ્યાનું કહેવાય છે.