Gujarati News

(ભરત શાહ દ્વારા) રાજપીપળા : રાજપીપળા દરબાર રોડ વિસ્તારમાં જૂની પોસ્ટ ઓફીસ પાસે આવેલો ગાર્ડન ઘણા મહિનાઓથી  મરણપથારીએ જોવા મળે છે, પાલિકા તંત્ર આ ગાર્ડનને જાણે ભૂલી જ ગઈ હોય તેમ કોઈ સાફ સફાઈ કે જાળવણી ન કરતા લગભગ 50 લાખના ખર્ચે બનેલો આ ગાર્ડન હાલ ખંડેર હાલતમાં જોવા મળે છે જેના કારણે અસામાજિક તત્વો નો અડ્ડો બની ગયો છે જોકે અસામાજિક પ્રવૃતિઓ બંધ થાય તે માટે સ્થાનિકો સહિત  પાલિકા પૂર્વ પ્રમુખ સંદીપ દશાંદી એ કલેકટરને રજુઆત કર્યા બાદ પણ ગાર્ડનમાં આજે દારૂની ખાલી બોટલો મળતા તંત્ર ની કામગીરી પણ સવાલ ઉઠ્યા છે.

 આ બાબતે પાલિકા પૂર્વ પ્રમુખ સંદીપભાઈ દશાંદી એ જણાવ્યું કે પાલિકા દ્વારા કોઈજ પ્રકારની કાળજી ન લેવાતા ગાર્ડન ની બહાર અને અંદર પણ કચરા ના ઢગ સાથે પાણીના અભાવે ફૂલ ઝાડ મુરજાઈ ગયા છે અને મહત્વની વાત તો એ કે લાખોના ખર્ચે નંખાયેલો પાણીનો ફુવારો ખંડેર હાલતમાં છે અને અંદરથી લાઈટો પણ ગાયબ હોય લાખોના ખર્ચે બનેલા ગાર્ડનની તંત્ર જાળવણી રાખતું નથી.તે યોગ્ય રાખે એ જરૂરી છે.