Gujarati News

Gujarati News

News of Friday, 30th October 2020

અમદાવાદ સોલા સિવિલના RMO ઉપેન્દ્ર પટેલ અને ડૉ,શૈલેષ પટેલને.8 લાખની લાંચ લેતા ઝડપાયા

કોવીડ દર્દીઓને જમવાનું પૂરું પાડતા કોન્ટ્રાક્ટરનું 1,18 કરોડનું બિલ પાસ કરવા લાંચ માંગી હતી: એસીબીના છટકામાં સપડાયા

અમદાવાદ : કોવિડ દર્દીઓને ચા,પાણી અને જમવાનું પૂરું પાડતા કોન્ટ્રકટરનું 1.18 કરોડનું બિલ પાસ કરવા સોલા સિવિલ હોસ્પિટલના મેડિકલ ઓફિસરો દ્વારા 8 લાખની લાંચ માંગવામા આવી હતી. એસીબીની ટિમે લાંચની રકમ સ્વીકારતા સોલા સિવિલ હોસ્પિટલના મેડિકલ ઓફિસર અને ઇન્ચાર્જ આરએમઓ ઉપેન્દ્ર પટેલ અને ડૉ,શૈલેષ પટેલને છટકું ગોઠવી ઝડપી લીધા છે.

સોલા સિવિલ હોસ્પિટલમાં દાખલ થયેલા દર્દીઓ અને સ્ટાફને ચા, નાસ્તો,પાણી અને જમવાનું ઓર્ડર મુજબ પૂરું પાડતા કોન્ટ્રેકટરનું 1.18 કરોડનું બિલ પાસ થયું ન હતું. આ રકમ મેળવવા માટે કોન્ટ્રકટરે બિલ પાસ કરવા માટે આરએમઓ ઉપેન્દ્ર પટેલ અને ડૉ,શૈલેષ પટેલને સહી કરવા જણાવ્યું હતું.

બન્ને આરોપીઓએ શરૂમાં બિલની રકમના 30 ટકા લાંચ પેટે માંગી હતી. તે પછી રકઝક બાદ 16 ટકા લાંચની રકમ નક્કી થઈ હતી. જે પેટે રૂ.10 લાખની રકમ બે હપ્તામાં આરોપીઓએ લીધી હતી. બાકીની રૂ.6 લાખની લાંચ તેમજ ફરિયાદી કોન્ટ્રાકટરના ભાઈની કેન્ટીનનું ટેન્ડર પાસ કરવા બીજા 2 લાખ માંગ્યા હતા.

ફરિયાદીએ આ અંગે એસીબીમાં ફરિયાદ કરતા છટકું ગોઠવવામાં આવ્યું હતું. દરમિયાનમાં બન્ને આરોપીઓ લાંચની રૂ.8 લાખની રકમ સ્વીકારતા પકડાઈ ગયા હતા. એસીબીએ આરોપી આરએમઓ ડૉ, ઉપેન્દ્ર ગોપાલ પટેલ અને ડૉ, શૈલેષ ચેલાભાઈ પટેલને અટક કરી બન્નેનો કોવિડ ટેસ્ટ કરાવવા કાર્યવાહી કરી છે.

(10:10 pm IST)
  • મુંબઈના ભીંડી બજાર વિસ્તારમાં કેટલાક દેશવિરોધી તત્વોએ ફ્રાન્સના રાષ્ટ્રપતિ મેક્રોની તસવીરો રોડ ઉપર લગાડી છે. સેંકડો લોકો તેના ઉપરથી પસાર થઇ રહ્યા છે. આવા તત્વોની તાત્કાલિક ધરપકડ કરવા સોશિયલ મીડિયા ઉપર માગણી થઈ રહી છે. જાણીતા પત્રકાર શીલા ભટ્ટે ટ્વિટર હેન્ડલ ઉપર આ વીડિયો પણ મૂકી છે. access_time 2:38 pm IST

  • આતંકવાદ સામેની લડાઈમાં ભારત ફ્રાન્સની સાથે છે : ફ્રાન્સના ચર્ચ ઉપર થયેલા આતંકી હુમલા બાબતે વડાપ્રધાન શ્રી મોદીનો સ્પષ્ટ અભિપ્રાય : ચાકુથી કરાયેલા હુમલાથી માર્યા ગયેલા 3 લોકો પૈકી એક મહિલાનું માથું ધડથી અલગ કરી દેવાયું હતું : ફ્રાન્સમાં છેલ્લા 2 મહિનામાં સતત ત્રીજા હુમલાથી સમગ્ર વિશ્વમાં પ્રકોપ access_time 8:53 pm IST

  • ' તારક મહેતાકા ઉલ્ટા ચશ્મા ' ટોપ 5 ની રેસમાંથી બહાર :' સાથ નિભાના સાથિયા 2 ' ની ધમાકેદાર એન્ટ્રી : પ્રીમિયર એપિસોડથી જ ટોપ 5 માં સ્થાન મેળવી લીધું : ' છોટી સરદારની ' પણ ટોપ 5 માંથી બહાર : ' ગૂમ હૈ કિસીકે પ્યારમેં ' ની ટોપ 5 માં એન્ટ્રી : 17 થી 23 ઓક્ટોબર સુધીની છેલ્લી ટીઆરપી access_time 6:15 pm IST