Gujarati News

Gujarati News

News of Thursday, 29th October 2020

તિલકવાડા તાલુકાના સાવલી ગામમાં ઘરફોડ ચોરીનો નિષ્ફળ પ્રયાસ

દરવાજાનો નકુચો કટર વડે કાપવા જતાં પાડોશી જાગી જતા ચોર નાસી છૂટ્યો

(ભરત શાહ દ્વારા) રાજપીપળા : હાલ શિયાળાની ઋતુ શરૂ થતાંજ ચોરીના બનાવોને અંજામ આપવા નર્મદા જિલ્લામાં પણ ચોરો જાણે સક્રિય થઈ ગયા છે.જેમાં બે દિવસ પહેલાજ રાજપીપળાના એક વેપારીની દુકાનમાંથી સુરતના બે ગઠિયાઓ પાકીટ ઉઠાવી ભાગવા જતા એક ઝડપાઇ ગયો હતો ત્યારે હાલ બીજો એક બનાવ તિલકવાડા તાલુકાના સાવલી ગામમાં બન્યો છે જેમાં તા.28 ઓક્ટોમ્બરે સાવલી ગામના એક ખેડૂત નટવરભાઇ કાલીદાસભાઇ પ્રજાપતિના રહેણાંક મકાનના મુખ્ય દરવાજાના તાળાનો નકુચો કટર વડે કાપી બીજા દરવાજાનો નકુચો કટરથી કાપી ઘરમાં ઘૂસી તિજોરી ખોલતા જ પડોશીઓ જાગી જતા ચોર ત્યાંથી નાસી છૂટ્યો હતો જોકે આ બાબતે નટવરભાઈ એ તિલકવાડા પો.સ્ટે.માં અજાણ્યા ચોર વિરુદ્ધ ફરિયાદ આપતા પોલીસે તપાસ હાથ ધરી છે

(10:37 pm IST)
  • માનહાની કેસમાં દિલ્હીના મુખ્યમંત્રી કેજરીવાલને ક્લિનચીટ : 2016 ની સાલમાં દિલ્હીના ભાજપ સાંસદ રમેશ બિધુડીએ માનહાની કેસ કર્યો હતો : કેજરીવાલે ન્યુઝ ચેનલમાં આપેલા ઇન્ટરવ્યૂ વખતે પોતાને બદનામ કરતું નિવેદન આપ્યાનો આરોપ હતો : દિલ્હીની રાઉસ એવન્યુ અદાલતે આપેલા ચુકાદાથી ફરિયાદીને ઝટકો access_time 7:12 pm IST

  • દિલ્હીમાં એર પોલ્યુશન સર્જનાર માટે જેલ અને જંગી દંડની જોગવાઇ: દિલ્હીનું હવામાન નિરંતર બદતર બનતું જાય છે ત્યારે દિલ્હી એનસીઆરમાં એર પોલ્યુશન માટે નવો કાયદો અમલમાં આવી રહ્યો છે. જેમાં હવાનું પ્રદૂષણ સર્જનાર માટે પાંચ વર્ષ સુધીની જેલની સજા અને એક કરોડ રૂપિયાના દંડની જોગવાઈ કરવામાં આવી છે. access_time 11:38 am IST

  • માનહાની કેસ : ભાજપ અગ્રણી કપિલ મિશ્રાએ દિલ્હીના સ્વાસ્થ્ય મંત્રી સત્યેન્દ્ર જૈનની બિનશરતી માફી માંગી : ફરીથી એવું નહીં થાય તેવી ખાતરી આપ્યા પછી કેસ માંડવાળ કરાયો : 2017 ની સાલમાં દિલ્હીના મુખ્યમંત્રી કેજરીવાલને 2 કરોડ રૂપિયાની લાંચ આપ્યાનો આક્ષેપ કર્યો હતો access_time 5:48 pm IST