Gujarati News

Gujarati News

News of Thursday, 29th October 2020

શામળાજી પોલીસ પર હુમલો કરી ઇન્સાસ રાયફલ ઝૂંટવી ફરાર થયેલ રાજસ્થાનનો આરોપી જેલહવાલે

પોલીસે જાંબુડી ગામ પાસેથી બાઈક સાથે ઝડપી જેલના સળિયા પાછળ ધકેલી દીધો

મોડાસા: શામળાજી પોલીસ પર હુમલો કરી ઇન્સાસ રાયફલ ઝૂંટવી લઈ ફરાર થઇ જનાર રાજસ્થાનના પાલીસોડા ગામના કલ્પેશ હોથા નામના આરોપીને અરવલ્લી પેરોલ ફર્લો ટીમે શામળાજી નજીક રાજસ્થાન સરહદ પરના જાંબુડી ગામ પાસેથી બાઈક સાથે ઝડપી લઈ જેલના સળિયા પાછળ ધકેલી દીધો હતો.

અરવલ્લી પેરોલ ફર્લો સ્ક્વોર્ડના પીએસઆઇ કે એસ.સીસોદીયા અને તેમની ટીમે ૫ વર્ષથી નાસતા ફરતા ખૂંખાર બુટલેગર રમેશ હોથાને દબોચી લીધો હતો રાજસ્થાનના વીંછીવાડા પાલીસોડા (મહુન્દ્રા ફળા) ગામનો કલ્પેશ સિદ્ધરાજ ઉર્ફે શીવરાજ હોથા રાજસ્થાન સરહદ વિસ્તારમાં દારૂનું કટિંગ અને દારૂ ઘુસાડવા માટે સંડોવાયેલ અને ૫ વર્ષ અગાઉ આંતરરાજ્ય સરહદે બોરનાલા તેમજ પાલીસોડા વિસ્તારમાં ડુંગરો પરથી પ્રોહિબિશન રેડ કરનાર શામળાજી પોલીસ પર હુમલો કરી પોલીસકર્મીની ઇન્સાસ રાયફલ ઝૂંટવી લઇ ફરાર થઈ ગયો હતો.

જે અંગે શામળાજી પોલીસ સ્ટેશનમાં આ અંગે ગુનો નોંધાયો હતો. મોડાસા રૂરલ પોલીસ સ્ટેશનમાં પ્રોહીબીશનનો ગુનાનો વોન્ટેડ આરોપી કલ્પેશ હોથા ૫ વર્ષથી નાસતો ફરતો હતો. અરવલ્લી પેરોલ ફર્લો ટીમે શામળાજી નજીક જાંબુડી ગામ નજીકથી બાઇક લઈ કલ્પેશ હોથા પસાર થવાનો હોવાની બાતમી મળતા જાંબુડી નજીક વોચ ગોઠવી હતી. કલ્પેશ હોથા બાઈક પર આંતરરાજ્ય સરહદ પરથી પસાર થતાં પેરોલ ફર્લો ટીમે ત્રાટકી ઝડપી લીધો હતો અને શામળાજી પોલીસને સુપ્રત કરી કાયદેસરની કાર્યવાહી હાથ ધરી હતી.

(10:28 am IST)
  • મધ્ય પ્રદેશ પેટા ચૂંટણી : મહેંગાવમાં પ્રચાર માટે ગયેલા ભાજપના ફાયર બ્રાન્ડ નેતા ઉમાભારતીની સભામાં ખુરસીઓ ખાલી : સભાના સ્થળથી 25 કિલોમીટર દૂર હેલીકૉપટર ઉતરતા સ્થળ ઉપર પહોંચવામાં મોડું થયું : ગુસ્સે થઇ ભાષણ આપ્યા વિના પરત ફર્યા access_time 1:55 pm IST

  • દિલ્હીમાં એર પોલ્યુશન સર્જનાર માટે જેલ અને જંગી દંડની જોગવાઇ: દિલ્હીનું હવામાન નિરંતર બદતર બનતું જાય છે ત્યારે દિલ્હી એનસીઆરમાં એર પોલ્યુશન માટે નવો કાયદો અમલમાં આવી રહ્યો છે. જેમાં હવાનું પ્રદૂષણ સર્જનાર માટે પાંચ વર્ષ સુધીની જેલની સજા અને એક કરોડ રૂપિયાના દંડની જોગવાઈ કરવામાં આવી છે. access_time 11:38 am IST

  • આતંકવાદ સામેની લડાઈમાં ભારત ફ્રાન્સની સાથે છે : ફ્રાન્સના ચર્ચ ઉપર થયેલા આતંકી હુમલા બાબતે વડાપ્રધાન શ્રી મોદીનો સ્પષ્ટ અભિપ્રાય : ચાકુથી કરાયેલા હુમલાથી માર્યા ગયેલા 3 લોકો પૈકી એક મહિલાનું માથું ધડથી અલગ કરી દેવાયું હતું : ફ્રાન્સમાં છેલ્લા 2 મહિનામાં સતત ત્રીજા હુમલાથી સમગ્ર વિશ્વમાં પ્રકોપ access_time 8:53 pm IST