Gujarati News

નવસારી તાલુકાના કુરેલ ગામમાં અચાનક વાતાવરણ પલટ્યું હતું. નવું વર્ષની સમી સાંજે ધોધમાર વરસાદ ખાબક્યો હતો. ભારે પવન સાથે વરસાદ ખાબકવા લાગતા ખેડૂતોમાં ચિંતા પેઠી હતી. ડાંગર, શેરડી, ચીકુ અને અન્ય શાકભાજીની ખેતીને આ વરસાદના કારણે ભારે નુકસાનની આશંકા છે.

ડાંગ જિલ્લાનાં ગિરિ મથક સાપુતારામાં પણ વરસાદી માહોલ સર્જાયો હતો. અરબી સમુદ્રમાં ડીપ ડિપ્રેશનની અસર જોવા મળી હતી. પવન સાથે વરસાદ પડ્યો હતો. વરસાદના કારણે વીજળી ડુલ થઇ ગઇ હતી. જો કે સહેલાણીઓમાં ખુશી જોવા મળી હતી.