Gujarati News

Gujarati News

News of Tuesday, 29th September 2020

અમદાવાદમાં રાત્રિ કર્ફયુનો ઉલાળીયો કરી 10 વાગ્‍યા પછી પણ વસ્ત્રાપુરમાં નાસ્‍તો આપતી ખાણી-પીણીની દુકાનોને સીલ કરાઇઃ એએમસીનો સપાટો

અમદાવાદ: વધતા કોરોનાના સંક્રમણને પગલે અમદાવાદના 27 વિસ્તારો કે જ્યાં મોટી સંખ્યામાં લોકો એકઠા થતા હતા અને માસ્ક તેમજ સોશિયલ ડિસ્ટનસિંગ જાળવતા ન હતા તેવા વિસ્તારોમાં રાત્રે 10 વાગ્યા બાદ કેટલાક કડક નિયમોનું અમલીકરણ શરૂ કરવાનો આદેશ કર્યો છે. કોરોના સંક્રમણને વધતો અટકાવવા અને મોટી સંખ્યામાં એકઠા થતા લોકોને અટકાવવા AMC દ્વારા રાત્રે 10 વાગ્યા બાદ ખાણીપીણીની દુકાનો બંધ રહે તેવા આદેશ કર્યા છે. તો સાથે જ ખાણી પીણીની દુકાનો અને લારીઓને બંધ કરી દેવા આદેશ કરાયો છે. અમદાવાદ કોર્પોરેશનના આદેશ મુજબ વસ્ત્રાપુર લેક અને તેની આસપાસની ખાણી પીણીની દુકાનો રાત્રે 10 વાગતાની સાથે જ બંધ કરવામાં આવી હતી. તો જે દુકાનો ખુલ્લી હતી ત્યા એએમસી દ્વારા સીલિંગ ઝુંબેશ ચલાવવામાં આવી હતી. અનેક વિસ્તારમાં કેટલીક દુકાનો ખુલ્લી જોવા મળી હતી. જેને સીલ કરાઈ હતી. ખાસ કરીને વસ્ત્રાપુર વિસ્તારમાં કેટલીક ખાણીપીણીની દુકાનો સીલ કરાઈ છે.

રાત્રે 10 પછી નાસ્તો કરવા નીકળી પડે છે લોકો

અમદાવાદમાં પ્રતિબંધ ફરમાવાયો છે તે જગ્યાઓ પર શહેરીજનો 10 વાગ્યા પહેલા નાસ્તો કરવા અને જમવા આવતા હોય તેવા દ્રશ્યો પણ સતત સામે આવી રહ્યા છે. પરંતુ રાત્રે 10 વાગ્યા બાદથી ખાણી પીણીની દુકાનો અને લારીઓ બંધ કરવાની રહેશે.

વેપારીઓનું કન્ફ્યુઝન

કરફ્યુ મુકવામાં આવ્યો છે એવું સમજીને ખાણી પીણી સિવાયનો વ્યવસાય કરતા વેપારીઓએ પણ 10 વાગતાની સાથે જ ધંધા વેપાર બંધ કર્યા હતા. અગાઉ AMC તરફથી જાહેર થયેલા પરિપત્રએ અમદાવાદ પશ્ચિમમાં અનેક વેપારીઓની વધારી મુશ્કેલી હતી. કોર્પોરેશન તરફથી બે પરિપત્ર જાહેર કરાયા હતા. જેમાં પહેલા પરિપત્ર મુજબ રાત્રે 10 વાગ્યા બાદ માત્ર દવાની જ દુકાનો ખુલી રહેશે તેવું કહેવાયું હતું. ત્યાર બાદ ગણતરીના જ કલાકોમાં કોર્પોરેશનના નવા પરિપત્રમાં જોવા મળેલ યુટર્ન મુજબ માત્ર ખાણી પીણીની દુકાનો અને લારીઓ જ બંધ રાખવાનો આદેશ કરાયો હોવા છતાં વેપારીઓમાં ગેરસમજ ઉભી થઇ હતી. ખાણીપીણીના વ્યવસાય સિવાયના વેપારીઓ પણ પોતાની દુકાન કે લારી બંધ કરી 10 વાગે જ ઘર તરફ રવાના થયા હતા. કોર્પોરેશનને ગણતરીની કલાકોમાં લીધેલા યુટર્નના પગલે કેટલાક વેપારીઓએ કહ્યું કે કરફ્યુ મુકવામાં આવ્યો છે જેથી 10 વાગતા જ ધંધો બંધ કરી રહ્યા છીએ.

(4:53 pm IST)
  • બપોરે ધોરાજીમાં ભૂકંપનો આંચકો : રાજકોટ - પોરબંદર હાઈવે ઉપર આવેલ રાજકોટથી ૧૦૦ કિ.મી. દૂર ધોરાજી શહેરમાં ૩:૪૫ વાગ્યે અત્યારે ભૂકંપનો જોરદાર આંચકો આવતા લોકોમાં ભારે ગભરાટ છવાઈ ગયેલ : અનેક લોકો ઘરની બહાર નીકળી ગયા (કિશોર રાઠોડ, ધોરાજી) access_time 3:59 pm IST

  • દેશમાં કોરોનાના કહેર વચ્ચે રાહત : સતત ઘટતા નવા કેસ અને રિકવર થનારની વધતી સંખ્યા : રાત્રે 12 વાગ્યા સુધીમાં નવા 65,943 કેસ નોંધાયા : કુલ કેસની સંખ્યા 61,39,294 થઇ : હાલમાં 9,45,852 એક્ટીવ કેસ : વધુ 82,881 દર્દીઓ સ્વસ્થ થતા કુલ 50,96,260 રિકવર થયા : વધુ 746 લોકોના મોત સાથે મૃત્યુઆંક 96,322 થયો access_time 1:12 am IST

  • દેશમાં કોરોનાના કહેર વચ્ચે સતત ઘટતા નવા કેસ અને રિકવર થનારની વધતી સંખ્યા : રાત્રે 12 વાગ્યા સુધીમાં નવા 80,500 કેસ નોંધાયા:કુલ કેસની સંખ્યા 62,23,519 થઇ હાલમાં 9,40,473 એક્ટીવ કેસ: વધુ 86,061 દર્દીઓ સ્વસ્થ થતા કુલ 51,84,634 રિકવર થયા : વધુ 1178 લોકોના મોત સાથે મૃત્યુઆંક 97,529 થયો access_time 1:04 am IST