Gujarati News

દર વખતે દેશના સૌથી પૈસાદાર લોકો પાસે કેટલી સંપત્તિ છે તેના વિષે તો ચર્ચા થાય જ છે પરંતુ તમે ક્યારેય વિચાર્યું છે કે તેમની રાશિ કઈ છે? બારક્લેઝ હુરુન ઈન્ડિયા રિચ લિસ્ટ પ્રમાણે ભારતમાં 831 લોકો પાસે અઢળક સંપત્તિ છે અને તેમાંથી 50 ટકા ધનાઢ્યો કર્ક, કન્યા, મેષ, વૃશ્ચિક અને મકર રાશિના છે.

તેમાંથી સૌથી વધારે પૈસાદાર કર્ક રાશિના લોકો છે જે કુલ ધનાઢ્યોના 10.50 ટકા જેટલા છે. 71,200 કરોડની સંપત્તિ સાથે ગૌતમ અદાણી તેમા પહેલા ક્રમે આવે છે. ત્યાર પછી કન્યા (9.70 ટકા), મેષ (9.30 ટકા), વૃશ્ચિક (9.20 ટકા), અને મકર (9 ટકા). શાપૂરજી પલ્લોનજીના શાપૂર પલ્લોનજી મિસ્ત્રી કન્યા રાશિના સૌથી ધનાઢ્ય વ્યક્તિ છે. જ્યારે મેષ રાશિમાં મુકેશ અંબાણી, વૃશ્ચિકમાં લુલુ ગૃપના સ્કોર્પિયો, કર્ક રાશમાં ગોદરેજના સ્મિતા ક્રિષ્ના સૌથી વધુ પૈસાદાર છે.

આ 831 ધનાઢ્યોમાંથી 233 મુંબઈના છે. અર્થાત્ કે કુલ ધનાઢ્યોમાંથી 28 ટકા મુંબઈના છે. ત્યાર બાદ 163 ધનાઢ્યો સાથે દિલ્હી અને 70 ધનાઢ્યો સાથે બેંગલુરુનો નંબર આવે છે. અમદાવાદે 22 ધનાઢ્યો સાથે હૈદ્રાબાદ, ચેન્નઈ અને કોલકાતાને ઓવરટેક કરી દીધુ છે.

ઉંમરની દૃષ્ટિએ વાત કરીએ તો ધનાઢ્યોની એવરેજ ઉંમર 60 વર્ષ છે. ઓયો રૂમ્સનો ફાઉન્ડર 24 વર્ષનો રિતેશ અગ્રવાલ સૌથી યુવાન ધનાઢ્ય છે. સૌથી વધારે સંપત્તિ ફાર્મા સેક્ટરના લોકો પાસે છે ત્યાર બાદ સોફ્ટવેર અને સર્વિસિસના લોકો આવે છે. ભારતમાં 9 ધનાઢ્યોની સંપત્તિ છેલ્લા એક વર્ષમાં બમણી થઈ છે. તેમાં ગ્રેફાઈટ ઈન્ડિયાના ક્રિષ્ણા કુમાર બાંગરની સંપત્તિમાં સૌથી વધુ 430 ટકાનો વધારો થયો છે.