Gujarati News

પાલનપુર તાલુકાના ગઢ પંથકમાં એક મહિલાનું મોટર સાયકલ પર અપહરણ કરી ઓરડીમાં લઈ જઈ ૧ર જેટલા શખ્સોએ વારાફરતી બળાત્કાર ગુજાર્યાની ફરિયાદ ગઢ પોલીસ મથકે નોંધાવતા પોલીસે તપાસ હાથ ધરી છે.

  આ અંગે પોલીસ મથકેથી મળતી માહીતી મુજબ ગત તા.ર૦ માર્ચ ર૦૧૮ ના રોજ રાત્રીના સુમારે ગઢ પંથકમાં આવેલા એક ગામની ૩૭ વર્ષીય મહિલાના ખેતરે આવીને તેણીની પાસે પાણી મંગાવીને બહાર બોલાવી હતી અને છરી બતાવી મોઢું દબાવી ધમકી આપીને મોટર સાયકલ પર બેસાડી અપહરણ કરીને કાતરા ગામ નજીક એક ઓરડીમાં લઈ જઈ ત્યાં તેણીની મરજી વિરૂધ્ધ ૧ર શખ્સોએ વારાફરતી દુષ્કર્મ આચર્યુ હોવાની અને ત્યારબાદ તેણીના ગળામાં પહેરેલ ચેન આશરે અઢી તોલાની પ૦ હજારની લૂંટ કરી તેણીને જાનથી મારી નાંખવાની ધમકી આપી હોવાની ફરીયાદ તેણીએ ગઢ પોલીસ મથકે નોંધાવતા પોલીસે તેણીની ફરીયાદ આધારે કિરણ હરીભાઈ કાપડી, વિપુલ મફાભાઈ ડેરીયા, સંદીપ મફાભાઈ ડેરીયા, કૃણાલ રઘાભાઈ ગામી (રહે.મડાણા ગઢ) તથા બીજા અજાણ્યા આઠ ઈસમો સામે ફરીયાદ નોંધી બનાવની સત્યતા તરફ તપાસ હાથ ધરી છે.