Gujarati News

અમદાવાદઃ શહેરના નવરંગપુરામાં સ્વસ્તિક ચાર રસ્તા પાસેથી પીસીબીએ એક કરોડની રોકડ રકમ સાથે બે શખ્શોને ઝડપી પાડ્યા છે. બંને આરોપી આંગણીયા પેઢીના હોવાનું પોલીસ તપાસમાં બહાર આવ્યું છે. જો કે આ અંગે પોલીસ અને આઈ.ટી. વિભાગે વધુ તપાસ હાથ ધરી છે.

     આ અંગે જાણવા મળ્યા મુજબ પીસીબીએ બાતમીના આધારે સ્વસ્તિક ચાર રસ્તા પાસેથી એક્ટિવા પર ત્રણ બેગ ભરીને પૈસા લઈને જઈ રહેલા અક્ષય સોની અને નિશાંત પટેલની અટકાયત કરી હતી.

    આરોપીઓને નવરંગપુરા પોલીસ સ્ટેશન લાવવામાં આવ્યા હતા.આ અંગે આઇ.ટી. વિભાગને પણ જાણ કરવામાં આવી હતી. આઇ.ટી. વિભાગે આ અંગે તપાસ શરૂ કરી છે. પ્રાથમિક તપાસમાં બંને આરોપીઓ આંગડિયા પેઢીના કર્મચારી હોવાનું સામે આવ્યું છે. મળેલી મોટી રકમ પણ આંગડિયા પેઢીની હોવાનું જાણવા મળ્યુ છે. પોલીસ અને આઇ.ટી. વિભાગે આ અંગે વધુ તપાસ હાથ ધરી છે.