Gujarati News

અમદાવાદ : સરકારી પોલી ટેકનિકલ કોલેજમાં ABVPએ હોબાળો કર્યો છે. હોબાળો કરી ABVPએ કોલેજ બંધ કરાવી છે. ચાલુ ક્લાસમાં ABVPના કાર્યકરો ઘુસી આવ્યા હતા અને હોબાળો કરી કોલેજ બંધ કરાવી છે. સરકારી એન્જીનીયરીંગ અને ડિપ્લોમા કોલેજોની સીટો ઘટાડવાના સરકારના નિર્ણયનો એબીવીપીએ વિરોધ કર્યો છે.

ABVPએ રાજ્યની સરકારી એન્જીનીયરીંગ અને ડિપ્લોમા કોલેજો બંધનું એલાન આપ્યું હતું. તેમ છતાં કોલેજો ચાલુ રાખતા ABVPએ હોબાળો કરી વિરોધ દર્શાવ્યો છે. એબીવીપીનું કહેવું છે કે ગરીબ વર્ગના વિદ્યાર્થીઓ રૂપિયા પંદરસોથી બે હજાર રૂપિયામાં એન્જીનિયર બની શકે છે. પરંતુ સરકારે રાજ્યની સરકારી પોલીટેકનિક અને એન્જીનીયરીંગ કોલેજોમાં 10 હજારથી વધારે સીટો ઘટાડવાનો નિર્ણય કર્યો છે. જેનો એબીવીપી દ્રારા વિરોધ કરવામાં આવી રહ્યો છે