ઠાસરા તાલુકાના સીમલજ ગામમાં ઘરમાં સંતાડેલ દેશી વિદેશી દારૂનો જથ્થો ઝડપી પોલીસે બે ભાઈઓને પકડવા ચક્રો ગતિમાન કર્યા

News of Tuesday, 28th July 2020

ઠાસરા તાલુકાના સીમલજ ગામમાં ઘરમાં સંતાડેલ દેશી વિદેશી દારૂનો જથ્થો ઝડપી પોલીસે બે ભાઈઓને પકડવા ચક્રો ગતિમાન કર્યા

ઠાસરા:તાલુકાના સીમલજ ગામમાં આવેલ ભાથીજીવાળા ફળીયામાં રહેતાં કિરણભાઈ રમેશભાઈ તળપદા અને મહેશભાઈ રમેશભાઈ તળપદા નામના બે સગાં ભાઈઓ દેશી-વિદેશી દારૂનો જથ્થો ઘરમાં સંતાડી રાખી તેનું ખાનગી રાહે વેચાણ કરતાં હોવાની ડાકોર પોલીસને માહિતી મળી હતી. જેથી પોલીસની ટીમે ગતરોજ મોડી સાંજના સમયે કિરણ-મહેશના ઘરે દરોડો પાડ્યો હતો. પોલીસ પહોંચી તે વખતે ઘરે કોઈ હાજર ન હતું. જો કે પોલીસને મળેલી માહિતી ચોક્કસ હોઈ પોલીસની ટીમે ઘરની તલાશી લીધી હતી. દરમિયાન એક ખુણામાં પડેલાં કોથળામાંથી ૧૫ લિટર દેશી દારૂનો જથ્થો મળી આવ્યો હતો. આ ઉપરાંત ઘર બહાર પાર્ક કરેલા એક્ટિવા નં. જીજે-૨૩, એક્યુ-૨૧૧૧ના આગળના ભાગે મુકેલા કોથળામાંથી તેમજ ડિકીમાંથી વિદેશી દારૂ/બિયરની ૭૪ નંગ બોટલો/ટીન મળી આવ્યાં હતાં. પોલીસે દેશી દારૂ કિંમત રૂ.૩૦૦, બિયર સહિત વિદેશી દારૂનો જથ્થો કિંમત રૂ.૭૪૦૦ તેમજ એક્ટિવા કિંમત રૂ.૨૦,૦૦૦ મળી કુલ રૂ.૨૭,૭૦૦ નો મુદ્દામાલ જપ્ત કર્યો હતો. અને દેશી-વિદેશી દારૂનો જથ્થો ઘરમાં રાખનાર કિરણભાઈ રમેશભાઈ તળપદા તેમજ મહેશભાઈ રમેશભાઈ તળપદા સામે પ્રોહિબિશનનો ગુનો નોંધી બંનેને ઝડપી પાડવાના ચક્રો ગતિમાન કર્યાં છે

(6:12 pm IST)