Gujarati News

સુરત: શહેરના ડભોલી ગામમાં રહેતા ડ્રાઇવરની 17 વર્ષીય પુત્રીની સાથે સોશિયલ મીડિયા ઉપર મિત્રતા થયા બાદ તેને ફોન કરી ઉઠાવી જવાની અને વેચી દેવાની છેલ્લા એક અઠવાડિયાથી ધમકી આપતા ચલથાણના યુવાનની ચોકબજાર પોલીસે ધરપકડ કરી હતી.

પોલીસ સૂત્રો દ્વારા સુરતના ડભોલી ગામમાં રહેતા ડ્રાઇવરની 17 વર્ષીય પુત્રી નિર્ભયા (નામ બદલ્યું છે) ની મિત્રતા સોશિયલ મીડિયા ઉપર હર્ષ પરમાર નામના યુવાન સાથે થઇ હતી જોકે, હર્ષ છેલ્લા એક અઠવાડિયાથી નિર્ભયાને તેનો મોબાઈલ નંબર મેળવી ફોન કરતો હતો અને તેને ઉઠાવી જવાની બીજાને વેચી દેવાની ધમકી આપી ગાળાગાળી પણ કરતો હતો.