Gujarati News

Gujarati News

News of Wednesday, 27th January 2021

આગામી 1 માર્ચથી વિધાનસભાનું બજેટ સત્ર :2 અથવા 3 માર્ચે ગુજરાતનું બજેટ રજુ કરાશે

પહેલા દિવસે રાજ્યપાલનું સંબોધન રહેશે: મહાનુભાવોના નિધનના શોકદર્શક પ્રસ્તાવ પસાર કરાશે

અમદાવાદ : ગુજરાત રાજ્ય બજેટ સત્રની તારીખો સામે આવી ગઇ છે. ગુજરાતમાં 24 દિવસનું બજેટ સત્ર રહેશે અને આગામી 1 માર્ચથી વિધાનસભાનું બજેટ સત્ર શરૂ થશે.આપને જણાવી દઇએ કે, 2 અથવા 3 માર્ચે ગુજરાતનું બજેટ રજુ કરાશે. પરંપરા પ્રમાણે પહેલા દિવસે રાજ્યપાલનું સંબોધન રહેશે. જ્યારે ગુજરાતનાં રાજકીય ક્ષિતીજને કેશુભાઇ પટેલ અને માધવસિંહ સોંલકી રુપી જે ફટકો પડ્યો છે, ત્યારે વિધાનસભાનું બજેટ સત્ર શરૂ મહાનુભાવોના નિધનના શોકદર્શક પ્રસ્તાવ પસાર કરવા સાથે થશે

1 માર્ચથી શરૂ થશે અંદાજપત્ર સત્ર - 2021-22ની શરુઆત, 24 દિવસનું બજેટ સત્ર રહેશે. 2 અથવા 3 માર્ચે અંદાજપત્ર ગૃહમાં રજૂ થશે. પ્રથમ દિવસે ગૃહને રાજ્યપાલનું સંબોધન અને કેશુભાઇ અને માધવસિંહના નિધનના શોકદર્શક પ્રસ્તાવ પસાર થશે

પ્રથમ દિવસે રાજ્યપાલનું પ્રવચન અને શોકપ્રસ્તાવ બાદ સત્ર મુલતવી રખવામાં આવશે.

ગુજરાતનાં નાણાં મંત્રી નિતીન પટેલ તેમનું 9 મું અંદાજપત્ર ગુજરાત વિધાનસભા ગૃહમાં રજૂ કરશે. વર્ષ-2021-22 અંદાજપત્રનું કદ 2 લાખ કરોડને આંબી જશે તેવી સંભાવનાં છે. રાજ્યપાલના આભાર પ્રસ્તાવ પર 3 દિવસ ચર્ચા કરવામાં આવશે. અંદાજપત્ર પરની સામાન્ય ચર્ચા માટે 5 દિવસ ફાળવાયા હોવાની વિગતો સામે આવી રહી છે. વિવિધ વિભાગની માગણી પરની ચર્ચા 12 દિવસ થશે.

ગૃહ-મહેસૂલ-શહેરીવિકાસ સહિત વિભાગના સરકારી વિધેયક લાવવામાં આવશે. સાથે સાથે જ લવ-જેહાદ સહિતના વિધેયક રજૂ થઇ શકે છે તેવી પણ સંભાવનાં જોવામાં આવી રહી છે. વિધાનસભાનાં બજેટ સત્રમાં અનેક વિધાયકો રજૂ થવાની સંભાવના જોવામાં આવી રહી છે. સત્રના અંતિમ દિવસે કેગનો અહેવાલ રજૂ થશે. 24 માર્ચે અંદાજપત્રસત્રનું સમાપન થઇ શકે છે.

(10:17 pm IST)
  • દિલ્હી હિંસા બાદ કેન્દ્ર સરકાર એકશન મોડમાં: ગૃહમંત્રી અમિત શાહે ઉચ્ચસ્તરીય બેઠક બોલાવી, નરેન્દ્રભાઇ મોદી સાથે પણ કરી શકે છે મુલાકાત, કડક કાર્યવાહીના અપાઇ શકે છે નિર્દેશ access_time 11:50 am IST

  • સુબ્રમણ્યમ સ્વામીના એક ટવીટે ખળભળાટ સર્જયો : ભાજપના સાંસદ શ્રી સુબ્રમણ્યમ સ્વામીએ તેના ટવીટર હેન્ડલ @swamy39 ઉપર ટવીટ કયુ છે આ ટવીટે ખળભળાટ મચાવ્યો છે. હજારો લાઇક અને રીટવીટ થઇ રહયા છે. ‘પીએમઓ’માં ઉચ્ચ સ્થાને બીરાજતા લોકોની નજીક રહેલ ભાજપના સભ્યએ લાલ કિલ્લાના ડ્રામામાં ઉશ્કેરણી સર્જનાર એજન્ટ તરીકે ભાગ ભજવ્યાની ભારે ચર્ચા છે, જે ‘‘ફેઇક પણ હોઇ શકે છે અથવા દુશ્મનોની ફેઇક આઇડી પણ હોઇ શકે છે. આ ચેક કરવા અને જણાવવા અપીલ કરું છું’’ access_time 12:30 pm IST

  • લખનૌના દારુલ ઉલુમ ફિરંગી મહેલમાં 72 મો પ્રજાસત્તાક દિવસ ઉજવાયો : ભારતના રાષ્ટ્રગીત સાથે ત્રિરંગો લહેરાયો : મુસ્લિમ ધર્મગુરુ મૌલાના ખાલિદ રસીદ ફિરંગીએ ધ્વજ વંદન કરાવ્યું : દેશના વિકાસમાં મદ્રેસાઓનું મહત્વનું યોગદાન હોવાનું જણાવ્યું access_time 6:59 pm IST