Gujarati News

વડોદરા:શહેરના માંજલપુર વિસ્તારમાં આવેલા સહજાનંદ ફ્લેટમાં રહેતા 64 વર્ષીય ધનગૌરી બહેન પ્રકાશભાઈ મકવાણાએ ફરિયાદમાં જણાવ્યું હતું કે, મને સંતાનમાં ત્રણ પુત્રીઓ છે. જે પૈકી પુત્રી નેહાના લગ્ન અમદાવાદ ખાતે થયા હતા ત્યારબાદ છૂટાછેડા થતાં 15 વર્ષથી મારી સાથે જ રહે છે. મારા પતિના અન્ય મહિલા સાથે સબંધ હોય જે અંગે પતિ તથા પુત્રી નેહાને જણાવતા તેઓ અવારનવાર મને શારીરિક અને માનસિક ત્રાસ આપી ઝઘડો કરતા હતા. મને ડાયાબિટીસની બીમારી હોવાની સાથે બે વખત હૃદયરોગનો હુમલો આવી ચૂક્યો છે પતિ અને પુત્રીના ત્રાસથી હું મારી બહેનના ઘરે છેલ્લા અઠવાડિયાથી રહું છું. 

22મી જાન્યુઆરીના રોજ તેઓ ઘરે હતા તે સમયે પુત્રી નેહાએ પોતાને પીવા માટે ચા બનાવી મારી ચા બનાવી ન હતી. જેથી મે જાતે ચા બનાવી હતી. આ સમયે મારી પૌત્રી બિસ્કીટ ખાતી હોય જે એક બિસ્કીટ મેં માંગતા મારી પુત્રી નેહાએ જણાવ્યું હતું કે, હું મારા પૈસાથી બિસ્કીટ લાવી છું તને નહીં આપું તેમ કહી મુઠ માર માર્યો હતો. આ દરમિયાન સંબંધીઓ દોડી આવતાં મને સારવાર અર્થે સયાજી હોસ્પિટલ લઈ ગયા હતા. અને જો ફરીથી ઘરે રહેવા આવીશ તો જાનથી મારી નાખવાની મારી પુત્રીએ ધમકી આપી છે.