Gujarati News

Gujarati News

News of Saturday, 26th May 2018

કલોલમાંથી પોલીસે બાતમીના આધારે મકાનમાંથી વિદેશી દારૂનો જથ્થો ઝડપ્યો

ગાંધીનગર:જિલ્લામાં હાલ વિદેશી દારૃની હેરાફેરી અને વેચાણ અટકાવા માટે પોલીસ દોડધામ કરી રહી છે ત્યારે કલોલ શહેર પોલીસને બાતમી મળી હતી કે નવજીવન મીલની ચાલીમાં રહેતો મેહુલ ઉર્ફે મેઘો પ્રતાપજી ઠાકોર તેના ઘરે વિદેશી દારૃ રાખે છે. જે બાતમીના આધારે પોલીસ ટીમે દરોડો પાડતાં તેના ઘરેથી અલગ અલગ બ્રાન્ડની ર૪ બોટલ મળી આવી હતી અને પોલીસે ૯૬૦૦નો મુદ્દામાલ કબ્જે કરી મેહુલ ઠાકોરની ધરપકડ કરી લીધી હતી. જિલ્લામાં પોલીસ દ્વારા દારૃ સંદર્ભે હાથ ધરવામાં આવેલી ઝુંબેશના કારણે બુટલેગરોમાં ફફડાટ ફેલાયો છે ત્યારે દહેગામ તાલુકાના રખિયાલમાંથી પોલીસે ર૭ર નંગ બિયર સાથે અમદાવાદ નરોડામાં રહેતા બુટલેગરને પણ ઝડપી લીધો હતો.

(5:35 pm IST)
  • ગઈ કાલની મહત્વની મેચમાં કોલકાતાની ટીમ સાથે શાહુરૂખ જોવા મળ્યો નહોતો. હૈદરાબાદ સાથેની મેચ હાર્યા બાદ પણ શાહુરૂખે સોશિયલ મીડિયા પર કેકેઆર ને પ્રેરણાત્મક મેસજ આપતા લખ્યુ હતુ કે, તમે શાનદાર પ્રદર્શન કર્યુ. તમને પોતાના પર ગર્વ હોવો જોઈએ. તમે લોકોએ સૌથી બહેતર રમત બતાવી, આપ સૌની સાથે મારો પ્રેમ યથાવત છે અને હું ખુશ છું, અમારા સૌના મનોરંજન માટે તમારો ધન્યવાદ. access_time 2:16 pm IST

  • મુંબઈની તરતી રેસ્ટોરન્ટ સમુદ્રમાં ડૂબી : મુંબઈના માહિમ ખાતે બાંદરા-વરલી સી લિંક પાસે સમુદ્રમાં તરતી રેસ્ટોરન્ટ ડૂબી જતા 15 લોકો ડૂબ્યા હતા. જો કે સદનસીબે આ તમામ લોકોને બચાવી લેવાયા હતા. એક મોટી શિપને તરતી રેસ્ટોરન્ટમાં ફેરવવામાં આવી હતી. આ આર્ક ડેક બાર રેસ્ટોરન્ટ સમુદ્રના કિનારાથી લગભગ દોઢ કિલોમીટર અંદર હતી. જહાજમાં પાણી ભરાવાથી દુર્ઘટના સર્જાય હતી. પોલીસ દ્વારા આ ઘટનાની વધુ તપાસ હાથ ધરાય છે. access_time 2:09 pm IST

  • સુરતમાં કતલખાને લઈ જવાતા ગાય-વાછરડાને બચાવાયાઃ ગૌરક્ષકો ઉપર હુમલો : માંડવીમાં ગૌરક્ષકોએ એક વાનમાં લઈ જવાતા ગાય વાછરડાઓને છોડાવ્યા : તાપીના વલોડની ગાય વાછરડાને લઈ જવાતા હતા ત્યારે ઝડપી લેતા કસાઈઓએ ગૌરક્ષકો ઉપર હુમલો કર્યો access_time 7:07 pm IST