Gujarati News

Gujarati News

News of Saturday, 26th May 2018

સુરત એરપોર્ટનો રનવે લાંબો કરવાના પ્રસ્તાવને મંજૂરી :હવે 'ફુલ કેપેસિટી’થી ઉડી શકશે ફ્લાઈટ્સ

એરલાઈન્સને લૉડ પેનલ્ટી અને પેસેન્જર્સને ભાડામાં રાહત મળશે.

સુરત: સુરત એરપોર્ટનો રનવે હવે લાંબો થઇ શકશે ડાયરેક્ટોરેટ જનરલ ઓફ સિવિલ એવિએશન (DGCA)એ પ્લેન લેંડ કરવા માટે વેસુ વિસ્તારમાં એરપોર્ટના અંત સુધી 2,290 મીટરનો રનવે બનાવવાની મંજૂરી આપી છે.અહીં 1,905 મીટરનો રનવે હતો જેને લાંબો કરીને 2,290 મીટરનો કરવાનો પ્રસ્તાવ પેંડિંગ હતો તેને મંજૂરી મળી છે. આ મંજૂરીથી એરલાઈન્સને લૉડ પેનલ્ટી અને પેસેન્જર્સને ભાડામાં રાહત મળશે.

   એરપોર્ટ ડિરેક્ટર દિલીપ સંજનીએ કહ્યું કે, “ફૂલ લેન્થ રનવે ઓપરેટ કરવાની મંજૂરી અમને DGCA પાસેથી મળી ગઈ છે. 615 મીટરની જગ્યાને છોડીને આ મંજૂરી અપાઈ છે. વેસુના અંત ભાગ તરફથી લેંડ થતા એરક્રાફ્ટ માટે 2,290 મીટરનો રનવે મળશે. જ્યારે ડુમસ વિસ્તાર બાજુથી આવતા વિમાનોને પૂરો રનવે વાપરવા મળશે.”

   ડાયમંડ સિટી સુરતમાંથી ઉડતી એરલાઈન્સને ખાસ કરીને ઉનાળા દરમિયાન એક વિચિત્ર સમસ્યાનો સામનો કરવો પડતો હતો. જે ‘લોડ પેનલ્ટી’ના નામે ઓળખાય છે. લોડ પેનલ્ટી મતલબ હોય તેના કરતાં ઓછી સીટ બુક થવી. ઉદાહરણ તરીકે એર ઈંડિયાની એરબસ 319 જે સુરતથી દિલ્હી જાય છે તેની ટોટલ કેપેસિટી 140 સીટની છે પરંતુ માત્ર 105 કે 106 પેસેન્જર્સને લોડ કેપેસિટીના કારણે બેસાડવામાં આવતા. જેનું કારણ છે શોર્ટ રનવે. સુરક્ષિત ટેક ઓફ કરવા માટે પેસેન્જર્સની કેપેસિટી ઓછી રખાય છે.

   શહેરના એરપોર્ટના રનવેની લંબાઈ 2250 મીટરથી વધારીને 2905 મીટર કરવામાં આવી હતી. પરંતુ સુરતથી ઉપડતી એરલાઈન્સ માત્ર 1905 મીટર રનવેનો ઉપયોગ કરી શકે છે. 185 મીટરના રનવેની મંજૂરી થોડું કામ બાકી હોવાના કારણે પેંડિંગ છે અને અન્ય 615 મીટરનો રનવે DGCAએ વેસુ વિસ્તારમાં આવેલા બિલ્ડિંગની હાઈટના કારણે મંજૂર નથી કર્યો.

વી વર્ક ફોર એ વર્કિંગ એરપોર્ટ એટ સુરત (WWWAS)ના સભ્ય લિનેશ શાહે કહ્યું કે, “અમે લાંબા સમયથી રનવે માટે લડાઈ લડતાં હતા અને આખરે DGCA દ્વારા 2290 મીટરના રનવેની મંજૂરી આપી દેવાઈ છે. એટલે હવે એરલાઈન્સ માટેની લોડ પેનલ્ટીની સમસ્યાનો અંત આવ્યો છે. અને હવે મુસાફરોએ પણ વધારાનો ચાર્જ નહીં ચૂકવવો પડે.”

WWWASના સભ્ય સંજય જૈને કહ્યું કે, “2290 મીટરનો રનવે મંજૂર થવાથી આંતરરાષ્ટ્રીય ફ્લાઈટ્સ પણ હવે સુરત એરપોર્ટથી ઉડી શકશે. હવે કેંદ્ર સરકાર તરફથી કસ્ટમ્સને મંજૂરી આપી દેવાય તો ઈંટરનેશનલ ઓપરેશન માટે સરળતા રહેશે.”a

(3:42 pm IST)
  • સુરતની લેડી ડૉન અસ્મિતા ગોહિલ ઉર્ફે ભૂરીએ પોતાનો ગુનો કબૂલ્યો છે અને હવે સુધરવાની વાત કરી છે. ભૂરીએ કહ્યું કે મારા પર જે આરોપ લાગ્યા છે તે સાચા છે. વાઈરલ થયેલો વીડિયો પણ મારો છે. ભૂરીએ પોતાની ભૂલ પણ સ્વીકારી અને કહ્યું કે જેલમાંથી બહાર આવીને હું મારી ભૂલ સુધારવા માગું છું. ભૂરીએ કહ્યું કે હવે મને લાગે છે કે મારે સુધરી જવું જોઈએ. ભૂરીએ આ નિવેદન કોર્ટ બહાર આપ્યું હતું. access_time 1:23 am IST

  • કેન્દ્રમાં એનડીએ સરકારનાં ચાર વર્ષ પુર્ણ થવા પ્રસંગે કોંગ્રેસ સહિત મોટા ભાગનાં વિપક્ષી દળો મોદી સરકાર પર હૂમલા કરી રહી છે. બીજી તરફ કર્ણાટકનાં હાલમાં જ મુખ્યમંત્રી બનેલા એચ.ડી કુમાર સ્વામીએ કેન્દ્રની એનડીએ સરકારને શુભકામના પાઠવી છે. જેડીએસ નેતાએ જો કે મોદી સરકારને લોકોની અપેક્ષાઓ પર ખરા ઉતરવા અંગેનાં સવાલ પર કોઇ સ્પષ્ટ જવાબ આપવાનું ટાળ્યું હતું. કુમાર સ્વામીએ કહ્યું કે આ અંગે લોકોએ નક્કી કરવાનું છે. access_time 1:23 am IST

  • મુંબઈની તરતી રેસ્ટોરન્ટ સમુદ્રમાં ડૂબી : મુંબઈના માહિમ ખાતે બાંદરા-વરલી સી લિંક પાસે સમુદ્રમાં તરતી રેસ્ટોરન્ટ ડૂબી જતા 15 લોકો ડૂબ્યા હતા. જો કે સદનસીબે આ તમામ લોકોને બચાવી લેવાયા હતા. એક મોટી શિપને તરતી રેસ્ટોરન્ટમાં ફેરવવામાં આવી હતી. આ આર્ક ડેક બાર રેસ્ટોરન્ટ સમુદ્રના કિનારાથી લગભગ દોઢ કિલોમીટર અંદર હતી. જહાજમાં પાણી ભરાવાથી દુર્ઘટના સર્જાય હતી. પોલીસ દ્વારા આ ઘટનાની વધુ તપાસ હાથ ધરાય છે. access_time 2:09 pm IST