Gujarati News

Gujarati News

News of Saturday, 26th May 2018

ઓનલઆઇન ઈ-મેમો ભરતા પહેલા સો વાર વિચારજો નહીંતર પેટ ભરીને ખુબ પસ્તાશો

અમદાવાદ ટ્રાફિક પોલીસની વેબસાઇટ payahmedabadechallan.org અસુરક્ષિત: હેકર્સ એને ચપટી વગાડતા જ હેક કરી શકે છે ?!!

અમદાવાદ:અમદાવાદમાં ટ્રાફિક પોલીસ દ્વારા નિયમોનો ભંગ કરતા લોકોને મોટાપાયે ઈ-મેમો અપાઈ રહ્યાં છે આ ઈ-મેમો ઓનલાઇન ભરવા  અમદાવાદ ટ્રાફિક પોલીસે વેબસાઇટ payahmedabadechallan.org પણ લોન્ચ કરી છે.જોકે આ વેબસાઇટ જ વિવાદનો મુદ્દો બની ગઈ  છે કારણ કે એ સદંતર અસુરક્ષિત છે અને હેકર્સ એને ચપટી વગાડતા જ હેક કરી શકે છે. 

   સામાન્યરી તે હેકર્સથી બચવા માગતી દરેક વેબસાઇટ પ્રાથમિક સુરક્ષા તરીકે Secure Sockets Layer (SSL) સર્ટીફિકેટ લેતી હોય છે. આ સર્ટિફિકેટની કિંમત ફક્ત રુ.700 છે પરંતુ દર મહિને લાખો રુપિયા દંડ પેટે વસૂલ કરતા ટ્રાફિક વિભાગે નાગરીકોનું નામ, સરનામું, લાઇસન્સ નંબર, બર્થ ડેટ જેવી માહિતીની સુરક્ષા માટે રાખવાની દરકાર નથી લીધી. 

   મળતી માહિતી પ્રમાણે શહેરમાં દૈનિક 500થી વધુ ઈ-મેમો આપવામાં આવે છે. જેમાંથી 20 ટકાના રીકવરી રેટ સાથે દરરોજ 100 જેટલા લોકો ઈ-મેમો ભરે છે. જેમાં લોકોની સગવડ માટે અને વધુ લોકો ઈ-મેમો ભરે તે માટે શહેર પોલીસે ગત એપ્રિલ માસમાં ઈ-મેમો ઓનલાઇન ભરવા માટે વેબસાઈટ લોંચ કરી છે. જોકે પાછલા થોડા દિવસથી જ્યારે પણ કોઈપણ યુઝર્સ આ વેબાસઇટ પર લોગ ઇન કરે છે ત્યારે તેમને પહેલો મેસેજ એવો આવે છે કે, ‘તમારુ કનેક્શન પ્રાઇવેટ નથી, હેકર્સ payahmedabadechallan.org પરથી તમારી ડિટેઇલ ચોરી શકે છે. (ઉ.હ. તરીકે તમારો પાસવર્ડ, ક્રેડિટ કાર્ડ ડીટેઇલ, અન્ય પર્સનલ માહિતી વગેરે.)’. આ મેસેજમાં જણાવાયું છે કે વેબસાઇટનું સિક્યોરિટી સર્ટિફિકેટ 21 દિવસ પહેલા જ તેની સમયાવધી પૂર્ણ કરી ચૂક્યું છે. જોકે અહીં જોવા જેવી વાત તો એ છે કે આ સર્ટિફિકેટને રીન્યુ કરવા માટે રુ.500 થી રુ.700 જેટલો ચાર્જ લાગે છે. સાઇબર સુરક્ષા નિષ્ણાંતોમત પ્રમાણે આ સર્ટિફિકેટ વગર વેબસાઇટ હેકર્સ અને ફ્રોડ કરવા માગતા લોકો સરળતાથી સાઇટ હેક કરી શકે છે.

(2:45 pm IST)
  • ડોક્ટર્સ વિધાઉટ બોડર્સે શનિવારે જણાવ્યું હતું કે, માનવ તસ્કરો દ્વારા બંધક બનાવીને રાખવામાં આવેલા 100થી વધુ પ્રવાસીઓ અને શરણાર્થીઓને ઉત્તર પશ્ચિમ લીબિયાની ગુપ્ત જેલમાંથી ભાગવા દરમિયાન ગોળી મારવામાં આવી હતી. આ ઘટનામાં ઘણા લોકોને ઈજા પહોંચી છે. વિશ્વ સ્વાસ્થ્ય સંગઠ WHOને કહ્યું છે કે, બુધવારે (23 મે) રાત્રે થયેલી આ ઘટનામાં બચેલા લોકોએ જણાવ્યું હતું કે આ ઘટનામાં ઓછામાં ઓછા 15 લોકોના મોત થયા છે અને 40 લોકોને ઈજા પહોંચી છે. આ ઘટનામાં મહિલાઓ વધુ ભોગ બની છે. access_time 1:22 am IST

  • આગામી 24 કલાકમાં ગોવા અને મહારાષ્ટ્ર્ના કિનારે મેનુકુ વાવાઝોડાની ચેતવણી :મહારાષ્ટ્રં અને ગોવાના દરિયાકાંઠે ચક્રવાત ટકરાશે :હવામાન વિભાગે આગાહી કરતા કહ્યું કે તા; 27થી 29 દરમિયાન ભારે વરસાદની શકયતા છે access_time 1:26 am IST

  • કેન્દ્રમાં એનડીએ સરકારનાં ચાર વર્ષ પુર્ણ થવા પ્રસંગે કોંગ્રેસ સહિત મોટા ભાગનાં વિપક્ષી દળો મોદી સરકાર પર હૂમલા કરી રહી છે. બીજી તરફ કર્ણાટકનાં હાલમાં જ મુખ્યમંત્રી બનેલા એચ.ડી કુમાર સ્વામીએ કેન્દ્રની એનડીએ સરકારને શુભકામના પાઠવી છે. જેડીએસ નેતાએ જો કે મોદી સરકારને લોકોની અપેક્ષાઓ પર ખરા ઉતરવા અંગેનાં સવાલ પર કોઇ સ્પષ્ટ જવાબ આપવાનું ટાળ્યું હતું. કુમાર સ્વામીએ કહ્યું કે આ અંગે લોકોએ નક્કી કરવાનું છે. access_time 1:23 am IST