Gujarati News

રાજકોટ તા. ૨૬ : મુખ્‍યમંત્રી ભૂપેન્‍દ્રભાઇ પટેલ અને મંત્રી હર્ષ સંઘવી સાથે મ.ન.પા.ના મેયર સહિતના પદાધિકારીઓ ગાંધીનગર ખાતે રાજકોટના વિવિધ વિકાસકામોની સમીક્ષા બાબતે બેઠક યોજાનાર છે.
આ અંગે સત્તાવાર પ્રાપ્‍ત વિગતો મુજબ આજે સાંજે મુખ્‍યમંત્રીશ્રી ભૂપેન્‍દ્રભાઇ પટેલે રાજકોટ મ.ન.પા.ના મેયર સહિતના પદાધિકારીઓને મળવા માટે સમય ફાળવ્‍યો છે.
આથી આજે સાંજે મેયર પ્રદિપ ડવ, સ્‍ટેન્‍ડીંગ કમિટિ ચેરમેન પુષ્‍કર પટેલ અને શહેર ભાજપ પ્રમુખ કમલેશ મીરાણી તેમજ મ્‍યુ. કમિશનર અમિત અરોરા સી.એમ. હાઉસ ખાતે મુખ્‍યમંત્રી ભૂપેન્‍દ્રભાઇ પટેલને રૂબરૂ મળનાર છે.
આ બેઠકમાં શહેરના આજી રિવરફ્રન્‍ટ ડેવલપમેન્‍ટ, રામનાથ મહાદેવ મંદિર પરિષરની વિકાસ યોજના તથા વોર્ડ નં. ૧૨માં નિર્માણ પામનાર ઇન્‍ડોર સ્‍ટેડિયમ સહિતના વિકાસકામો બાબતે તેમજ નાણાકીય (ગ્રાન્‍ટ) સહાય વગેરેની ચર્ચા વિચારણા થવાની શક્‍યતા છે.