-
પરિવારમાં એક પણ સુપરસ્ટાર નથી, છતાં બોલિવૂડનો સૌથી ધનિક પરિવાર, ૧૦૦૦૦ કરોડની સંપત્તિ! access_time 10:08 am IST
-
હાફુસ કેરીની પુષ્કળ આવક ભાવ પ૦ ટકા ઘટી ગયા access_time 3:18 pm IST
-
યંત્ર પર ઓનલાઈન જુગારમાં દર પાંચ મિનીટે વિજેતા જાહેર થાયઃ આર.એસ.સુવેરા access_time 11:54 am IST
-
રાહત માંગવી કેજરીવાલને ભારે પડી : કોર્ટે અરજી ફગાવી ફટકાર્યો રૂ. ૭૫૦૦૦નો દંડ access_time 2:59 pm IST
-
કેરી ખાવાથી વજન અને બ્લડ શુગર વધી જાય.. ? કેટલું સત્ય છે ? access_time 9:37 am IST
કોઇને પણ નિર્વસ્ત્ર જોઇ શકાય તેવા ચશ્માની લાલચે છેતરાયા
બે લોકો પાસેથી વ્યકિતને નગ્ન જોઇ શકાય તેમ કહીને ૬.૭૦ લાખ રૂપિયા પડાવ્યા
હિંમતનગર,તા.૨૬: ફિલ્મોની દુનિયામાં કલ્પનાઓના ઘોડા દોડતા જોવા મળતા હોય છે, જેમાં કોઈ વ્યક્તિને નિર્વષા જોઈ શકાય તેવા ચશ્માનો ઉલ્લેખ કરીને મનોરંજન વધારવામાં આવતું હોય છે. પરંતુ રિયલ લાઈફમાં કોઈ આ પ્રકારના ચશ્માનો દાવો કરે તો!!! ગુજરાતમાં જ આવી એક ઘટના બની છે કે જેમાં એકદમ અલગ પ્રકારના ચશ્મા બનાવીને તેના દ્વારા વ્યક્તિને નિર્વષા જોઈ શકાતી હોવાનું કહીને મોટી છેતરપિંડી કરવામાં આવી છે. આ ઘટનામાં પોલીસે કાર્યવાહી કરીને પાંચ લોકોની ધરપકડ કરી લીધી છે. આ ટોળકી લોકોને સામેવાળી વ્યક્તિને નગ્ન જોઈ શકવાની વાત કરીને અને જમીનમાં ખજાનો હોય તો પણ આ ચશ્મા દ્વારા જોઈ શકાય તેમ કહીને છેતરપિંડી કરતા હતા.
સલીમ સત્તારભાઈ મનસુરી, રફીક હસનભાઈ મનસુરી, મુપો બડોલી, સિકંદરમીયા મકરાણી, નટવરસિંહ સોલંકી, નીધરાજ મીણા આ પાંચ લોકો ભેગા થઈને લોકોને દેશ અને વિદેશમાં જે ચશ્માની જોરદાર માંગ છે તેવા જ ચશ્મા પોતાની પાસે હોવાનું કહીને લોકોને છેતરતા હતા. જેમાં આરોપીઓ સામે હિંમતનગર તથા ઈડરમાં ફરિયાદ નોંધાઈ હતી. આરોપીઓ લોકોને ફસાવીને એવો દાવો કરતા હતા કે તેમની પાસે એવા ચશ્મા છે કે જેનાથી કોઈ પણ વ્યક્તિને નગ્ન જોઈ શકાય અને ૧૦ ફૂટ નીચે જમીનની અંદર ખજાનો હોય તો પણ જોઈ શકાશે.
ફરિયાદ બાદ સાબરકાંઠાની પોલીસ એક્ટિવ થઈ હતી અને લોકોને નગ્ન જોવાની અને જમીનમાં ૧૦ ફૂટ ઊંડે છૂપાયેલું ધન મેળવવાની લાલચ આપના શખ્સોની તપાસ શરુ કરી હતી. જેમાં પોલીસને બાતમી મળી હતી કે આ આરોપીઓ ધાણધા ફાટક પાસે જોવા મળ્યા છે, બાતમીના આધારે પોલીસે તપાસ કરતા એક કાર ઉભી હતી અને તેમાં પાંચ શખ્સો બેઠેલા હતા. પોલીસે આ કારની તપાસ કરતા તેમાંથી એક ખોખામાંથી ચશ્મા સહિત દોઢ લાખ રૂપિયા રોકડા મળી આવ્યા હતા. પોલીસે આ પાંચેની ધરપકડ કરીને તેમને એલસીબી કચેરી લઈ ગઈ હતી, જયાં તેમની પૂછપરછ દરમિયાન કેટલીક બાબતોનો ભાંડો ફૂટ્યો હતો.
આરોપી લોકોને એવી લાલચ આપતા હતા કે તેમની પાસે જે અજબ-ગજબ ગોલ્ડન ફ્રેમવાળા ચશ્મા છે જેનો ઉપયોગ વૈજ્ઞાનિકો રિસર્ચમાં કરે છે અને તેની ભારત સહિત દુનિયાભરમાં જોરદાર માંગ છે. આ ટોળકી લોકોને એવો દાવો કરીને મૂર્ખ બનાવતી હતી કે, ચશ્માના ઉપયોગથી સામેવાળી વ્યકિતને નગ્ન જોઈ શકાય છે અને જમીનની અંદર ખજાનો છૂપાવેલો હોય તો પણ જોઈ શકાય છે.
આરોપીઓ સામે હિંમતનગર અને ઈડર એમ બે જગ્યાએ ફરિયાદ નોંધાઈ છે, જેમાં પોલીસને તપાસ દરમિયાન એ પણ જાણવા મળ્યું કે કેટલાક લોકો આરોપીઓ દ્વારા છેતરાયા હોવા છતાં પોતાની આબરુ ખરાબ થવાના ડરે પોલીસ ફરિયાદ કરવાથી દૂર રહેતા હતા.
પોલીસે ૫ આરોપીઓની ધરપકડ કરવાની સાથે તેમની પાસેથી કુલ ૧.૫૦ લાખની રોકડ, ૧ કાર અને ૬ મોબાઈલ ફોન જપ્ત કર્યા છે. આ કેસમાં ચશ્માની લાલચે હિંમતનગરના પાણીપુરીવાળા પાસેથી ૫.૨૦ લાખ અને ઊંઝાના મહેરવાડાના જમીન દલાલ પાસેથી ૧.૫૦ લાખ પડાવીને તેમને ઠગ્યા હતા.