Gujarati News

Gujarati News

News of Thursday, 26th March 2020

લોકડાઉનની સ્‍થિતીમાં રાજ્‍યમાં તૈયાર ખાદ્ય લોટ-દાળની સપ્‍લાઇ ચેઇન વિઘ્‍ન વિના જળવાઇ રહે તે માટે વિજયભાઇ રૂપાણીએ ફલોર મિલ્‍સ-પલ્‍સ મિલ્‍સ સંચાલકો સાથે વિડીયો કોન્‍ફરન્‍સ યોજી

જિલ્લા કલેકટરો-જિલ્લા તંત્રોને આપ્‍યું માર્ગદર્શન

અમદાવાદ,તા.૨૬: મુખ્‍યમંત્રી વિજયભાઇ રૂપાણીએ કોરોના વાયરસની વર્તમાન સ્‍થિતીમાં જાહેર થયેલા ર૧ અકિલા દિવસના લોકડાઉન દરમિયાન નાગરિકોને ખાદ્ય અન્ન આટો-લોટ-દાળ જેવી ચીજવસ્‍તુ સરળતાએ મળે તે વ્‍યવસ્‍થા સુનિશ્‍ચિત કરવા માટે ૪ મહાનગરોના કનિદૈ લાકિઅ ફલોર મિલ્‍સ-પલ્‍સ મિલ્‍સ સંચાલકો સાથે વિડીયો કોન્‍ફરન્‍સ યોજી હતી.

વિજયભાઇ અકીલા રૂપાણીએ આ સંદર્ભમાં જિલ્લા કલેકટર, પોલીસતંત્ર અને  પુરવઠા અધિકારીઓને સુચારૂ સંકલન રાખી આવા મિલર્સની સપ્‍લાય ચેઇન બંધ ન થાય તે જોવા તાકિદ કરી હતી. મુખ્‍યમંત્રીએ સ્‍પષ્ટપણે જણાવ્‍યું કે હાલની  સ્‍થિતીમા ઘઉ, ચોખા, બાજરી, દાળ જેવા ખાદ્યાન્નને બદલે તેના તૈયાર લોટ-આટાની માંગ વધુ રહેવાની છે.

આ હેતુસર ફલોર અને પલ્‍સ મિલ્‍સમાં આવતા અનાજને દળીને આટો-લોટ તૈયાર થાય તે માટે અન્‍ય રાજયોમાંથી આવતા આવા અન્ન પુરવઠાનું વહન પણ નિર્વિધ્‍ને ચાલુ રહે તે જોવા અનુરોધ કર્યો હતો.

તેમણે ફલોર મિલ્‍સ-પલ્‍સ મિલ્‍સ સંચાલકોએ તેમના માલને મિલ સુધી અને તે પછી આટાને લાસ્‍ટ માઇલ કનેકટીવીટી સુધી પહોચાડવામાં આંતર રાજય-આંતર જિલ્લા હેરફેરમાં સરકારને મદદરૂપ થવા કરેલી રજૂઆતો અંગે પણ જિલ્લા પોલીસ અને વહિવટીતંત્રોને યોગ્‍ય પ્રબંધ માટેની સૂચનાઓ આપી હતી.

મુખ્‍યમંત્રીએ તમામ જિલ્લા કલેકટરે આવા આટા-લોટની હોલસેલ અને રિટેઇલ માર્કેટ ચેઇન તૂટે નહિ તે માટે જરૂરી વાહન-વ્‍યકિતઓને પાસ ઇસ્‍યુ કરવાની પણ તાકીદ કરી હતી.

વિજયભાઇ રૂપાણીએ રાજયના આવા જે ફલોર મિલ્‍સ-પલ્‍સ મિલ્‍સ સંચાલકો અન્‍ય રાજયોમાં સપ્‍લાય કરે છે તે પણ જળવાઇ રહે અને અન્‍ય રાજયોના નાગરિકોને પણ કોઇ દુવિધા ન રહે તે જોવા આ મિલ સંચાલકોને અનુરોધ કર્યો હતો.

તેમણે કહ્યું કે રાજય સરકાર ફલોર મિલ્‍સ-પલ્‍સ મિલ્‍સ સંચાલકો માટે પ્રવર્તમાન સ્‍થિતીમાં જરૂરી ગાઇડલાઇન્‍સ અને પ્રોટોકોલ તત્‍કાલ તૈયાર કરીને જિલ્લાતંત્રોને પહોચાડશે અને સંપૂર્ણ વ્‍યવસ્‍થા કોઇ જ વિધ્‍ન વિના સુપેરે ચાલે તેવી વ્‍યવસ્‍થા ગોઠવશે.

આ વિડીયો કોન્‍ફરન્‍સ બેઠકમાં અમદાવાદ, વડોદરા, રાજકોટ અને સુરતના તથા દાહોદના ફલોર-પલ્‍સ મિલ્‍સ સંચાલકો જોડાયા હતા. મુખ્‍યમંત્રીના સચિવ અશ્વિનીકુમાર, સહકાર સચિવ મનિષ ભારદ્વાજ, અન્ન-નાગરિક પુરવઠા સચિવ મોહમદ શાહિદ સહિતના વરિષ્ઠ અધિકારીઓ આ કોન્‍ફરન્‍સમાં ઉપસ્‍થિત રહ્યા હતા.

(12:07 pm IST)
  • સૌરાષ્‍ટ્રમાં પ્રથમ મૃત્‍યુ : ગુજરાતમાં કોરોનાના પોઝીટીવ કેસ ૪૩ : લોકડાઉન વચ્‍ચે ૩ નવા દર્દીઓ ઉમેરાયાઃ ગુજરાતમાં કોરોનાથી ત્રીજુ મોતઃ ૭૦ વર્ષના ભાવનગરના વૃદ્ધનું થયુ મોત : સુરતમાં ૭, વડોદરામાં ૮, અમદાવાદમાં ૧૭, ભાવનગરમાં ૧ અને ગાંધીનગરમાં ૭ કેસો નોંધાયા access_time 11:39 am IST

  • પાકિસ્તાન : કોરોના વાયરસ ચેપ સૈન્યમાં ફેલાયો: 230 સૈનિકોને એકાંતમાં જુદા રખાયા : ચીન સાથે ખુલ્લી સરહદની અસર અને મોટા પાયે ચિની નાગરિકો સાથેનો મેલજોલ થકી હવે પાકિસ્તાનમાં મોટાપાયે કોરોના ચેપ વધી રહ્યો છે. access_time 9:08 pm IST

  • કોરોના સામે જંગ ગુજરાતની તમામ શાકમાર્કેટો બંધ કરવાનો નિર્ણય શાક માર્કેટોમાં ભીડ થતી હોય બંધ કરાવી અને લોકોને ઘર પાસે અથવા હોમ ડિલીવરીથી શાક મળી રહે તેવી વ્યવસથા ગોઠવાઈ રહી છે access_time 6:07 pm IST