Gujarati News

Gujarati News

News of Tuesday, 26th January 2021

ગાંધીનગરમાં સે-14માં રહીશોને સસ્તામાં વાહન આપવાની લાલચ આપી ભેજાબાજે 23 લાખની છેતરપિંડી આચરતા ગુનો દાખલ

ગાંધીનગર:શહેરમાં ડીસ્કાઉન્ટમાં વાહનો આપવાની લાલચ આપીને ર૩ લાખ રૃપિયાની છેતરપીંડી સંદર્ભે સે-ર૧ પોલીસ મથકમાં ગુનો નોંધવામાં આવ્યો હતો અને તે ગુનામાં છેલ્લા ઘણા સમયથી ફરાર આરોપીને ગાંધીનગર એલસીબીએ બાપુનગરથી ઝડપી પાડયો છે. તેની પત્નિ પણ ગુનામાં સામેલ હોવાનું બહાર આવ્યું છે. હાલ તો પોલીસે તેની વધુ પુછપરછ શરૃ કરી છે.  

અંગે પોલીસ સુત્રોમાંથી મળતી વિગતો પ્રમાણે શહેરના સે-૧૪માં રહેતા રહીશનો સંપર્ક સે-/બીમાં રહેતાં ચેતન ચંદ્રકાંત ઘાટે સાથે થયો હતો અને સમયે ચેતન અને તેની પત્નિ ભુમિકા દ્વારા કંપનીમાંથી નવી કારમાં સારું ડીસ્કાઉન્ટ આપવાની લાલચ આપવામાં આવી હતી. જેથી રહીશે તેની ઈનોવા કાર માટે લાખ  તેમજ અન્ય એક મિત્રની કાર માટે ત્રણ લાખ અને અન્ય કાર માટે ૧૮ લાખ આપયા હતા. પરંતુ દંપતિએ ર૩ લાખ જેટલી રકમ લઈ લીધા બાદ કાર આપવામાં આવતી નહોતી. જેથી સંદર્ભે સે-ર૧ પોલીસ મથકમાં દંપતિ સામે છેતરપીંડીનો ગુનો નોંધવામાં આવ્યો હતો પરંતુ આરોપી ફરાર થઈ ગયો હતો. ત્યારે ગાંધીનગર એલસીબી પીઆઈ જે.જી.વાઘેલાએ ફરાર આરોપીઓને પકડવા તાકીદ કરી હતી જેના પગલે એએસઆઈ રણજીતસિંહ અને કો.જીગ્નેશકુમારની બાતમીના આધારે ર૩ લાખની છેતરપીંડીમાં ફરાર ચેતન ઘાટેને અમદાવાદ બાપુનગરથી ઝડપી લેવાયો હતો. જેની અટકાયત કરીને સે-ર૧ પોલીસને હવાલે કરવામાં આવ્યો હતો.

(4:58 pm IST)
  • શું આ દિવસની જ રાહ જોવાઈ રહી હતી ? : ગણતંત્ર દિવસે કિસાન રેલી અને પોલીસ વચ્ચે ઝપાઝપી : સરકારે ધાર્યું હોત તો ખેડૂતોનો પ્રશ્ન વહેલો હલ થઇ શક્યો હોત : કોઈ અદ્રશ્ય શક્તિ રાજકારણ ખેલી રહી છે : શિવસેના આગેવાન સંજય રાઉતનો મોદી સરકાર ઉપર પ્રહાર access_time 6:17 pm IST

  • લખનૌના દારુલ ઉલુમ ફિરંગી મહેલમાં 72 મો પ્રજાસત્તાક દિવસ ઉજવાયો : ભારતના રાષ્ટ્રગીત સાથે ત્રિરંગો લહેરાયો : મુસ્લિમ ધર્મગુરુ મૌલાના ખાલિદ રસીદ ફિરંગીએ ધ્વજ વંદન કરાવ્યું : દેશના વિકાસમાં મદ્રેસાઓનું મહત્વનું યોગદાન હોવાનું જણાવ્યું access_time 6:59 pm IST

  • મહારાષ્ટ્રના ૨ ગુજરાતીઓનું પદ્મશ્રી એવોર્ડથી સન્માન: લિજ્જત પાપડના જશવંતીબેન પોપટ અને રજનીકાંત શ્રોફને પદ્મશ્રી એવોર્ડ જાહેર: લિજ્જત પાપડ શરૂ કરનાર સાત મહિલાઓ પૈકીના રઘુવંશી જશવંતીબેન જમનાદાસ પોપટ અને યુનાઈટેડ ફોસ્ફરસના રજનીકાંત દેવીદાસ શ્રોફને કેન્દ્ર સરકારે આજે પદ્મશ્રી એવોર્ડ અપાયાની જાહેરાત કરી છે access_time 1:03 am IST