Gujarati News

Gujarati News

News of Sunday, 25th October 2020

અમદાવાદમાં વેપારી પાસેથી હનીટ્રેપમાં 20 લાખ પડાવનાર મુખ્ય આરોપી આશિફ ગેડીયાની ધરપકડ

આગાઉ એક મહિલા સહીત 4 આરોપીની ધરપકડ કરાઈ હતી : અન્ય 3 ફરાર આરોપીની શોધખોળ

અમદાવાદ: સેટેલાઇટ વિસ્તારના વેપારી પાસેથી હનીટ્રેપના ગુનામાં 20 લાખ રૂપિયા પડાવી લેનાર મુખ્ય આરોપી આશિફ ગેડીયાની ધરપકડ કરવામા આવી છે. આ આગાઉ એક મહિલા સહીત 4 આરોપીની ધરપકડ કરવામા આવી હતી. આશિફ પોલીસને થાપ આપી ભાગી રહ્યો હતો. જોકે પોલીસને બાતમી મળતા તેના ઘરેથી આરોપીને ઝડપી લેવામા આવ્યો છે. આ ગુનાના અન્ય 3 ફરાર આરોપીની પોલીસ શોધખોળ કરી રહી છે

હનીટ્રેપના ગુનામાં સેટેલાઈટ પોલીસે અગાઉ શીતલ અને સમીર નામના બે પ્રેમી પંખીડા અને મુખ્ય આરોપી આશિફ સહિત કુલ 5 આરોપીને ઝડપી લીધા છે. તેમ છતા પોલીસ તપાસના ઘણા સવાલો વણ ઉકેલાયેલા છે. જેમાં તેમની પાસે પોલીસ યુનિફોર્મ ક્યાંથી આવ્યો, લૂંટ કરેલા રૂપિયા ક્યાં અને કોની પાસે છે, અન્ય 7 વેપારી પાસેથી રૂપિયા પડાવ્યા પરંતુ તેઓ પોલીસ સામે કેમ નથી આવતા જેવાે સવાલોને લઈ પોલીસે રિઈનવેસ્ટિગેશન શરૂ કર્યુ છે.

 ઝડપાયેલા તમામ આરોપી દોષનો ટોપલો બીજા આરોપીના માથે નાખી રહ્યા છે. જેથી પોલીસ ગુનાના મૂળ સુધી પહોંચી શકી નથી. જોકે પોલીસ હજુ આ ગુનાના ફરાર અન્ય 3 આરોપીની શોધખોળ કરી રહી છે. ઉપરાંત જેલમાં રહેલા અન્ય આરોપીની પણ ફરી વખત પૂછપરછ કરી ગુનાના મૂળ સુઘી પહોંચવાની કાર્યવાહી હાથ ધરી છે.

(6:57 pm IST)
  • દેશમાં કોરોના ધીમો પડ્યો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 વાગ્યા સુધીમાં કોરોનાના નવા 49,865 કેસ નોંધાયા:કુલ કેસનો આંકડો 78,63,533 થયો :એક્ટીવ કેસ ઘટીને 6,68,395 થયા:વધુ 61,704 દર્દીઓ સ્વસ્થ થતા કુલ 70,75,273 રિકવર થયા :વધુ 567 લોકોના મોત સાથે કુલ મૃત્યુઆંક 1,18,559 થયો: access_time 1:30 am IST

  • બિહાર ચૂંટણીમાં ભાજપનો ઇન્ડિયન જો સતત આગળ ભાગતો જાય છે : બિહાર ચૂંટણી માટે સી વોટર અને abp સર્વેના ઓપિનિયન પોલમાં ભાજપના નેજા હેઠળના એનડીએ મોરચાને ૧૩૫થી ૧૫૯ બેઠકો અને યુપીએ મોરચાને ૭૫થી ૯૮ બેઠકો મળશે એવું દર્શાવાયું છે. access_time 2:19 pm IST

  • આફ્રિકાના કેમરૂનમાં આવેલી સ્કૂલમાં અંધાધૂંધ ફાયરિંગ : 9 થી 12 વર્ષની ઉંમરના 8 બાળકોના મોત : 12 બાળકો ઘાયલ તથા હોસ્પિટલમાં દાખલ : ક્લાસમાં બેસી અભ્યાસ કરતા નિર્દોષ ભુલકાંઓના હત્યારાઓ વિરુદ્ધ સમગ્ર દેશમાં પ્રકોપ : રાષ્ટ્રપતિ મૌસા ફકીરે દુઃખ વ્યક્ત કર્યું access_time 12:19 pm IST