Gujarati News

ભરૂચઃ ચોમાસાનો પ્રારંભ થતાની સાથે જ અનેક જગ્‍યાઅે પાણી ભરાઇ જવાથી કાચા મકાનો અને દિવાલો ધરાશાયી થઇ રહ્યાના બનાવો સામે આવી રહ્યા છે ત્યારે ભરૂચના જંબુસર બાયપાસ પાસે ‌દિવાલ ધરાશાયી થતા અેક યુવક તેમાં દબાઇ ગયો હતો. જો કે, લતાવાસીઓઅે તાત્‍કાલીક તેને બહાર કાઢીને હોસ્‍પિટલે ખસેડ્યો હતો.

ભરૂચ-જંબુસર બાયપાસ વિસ્તારમાં આવેલી નેશનલ પાર્ક સોસાયટીમાં વરસાદી પાણી ભરાઈ જતાં એક મકાનની દિવાલ કડડભૂસ થઈ હતી. જેમાં મીનાઝ અયુબ પટેલ નામના 26 વર્ષિય યુવાન દબાઈ ગયો હતો.

સદનશીબે લોકોને તેની જાણ થઈ જતાં તરતજ દોડી આવેલા લોકોએ તેને બહાર કાઢી તાત્કાલિક ખાનગી હોસ્પિટલમાં સારવાર માટે ખસેડ્યો હતો.