Gujarati News

રાજકોટ તા.૨૫: ગૃહમંત્રી હર્ષભાઈ સંઘવી દ્વારા બે દિવસ પહેલા નિર્ધારિત કાર્યક્રમ અધૂરો મૂકી રાજ્‍યના મુખ્‍ય જેલ વડા ડો.કે. એલ.એન. રાવને સાથે રાખી નિરીક્ષણ બાદ ફરી ઉચ્‍ચ અધિકારીઓની બેઠક યોજી રાજકોટ , જામનગર, જૂનાગઢ સહિત ૧૭ જેલોમાં ૧૭૦૦ થી વધુ પોલીસ કાફલા સાથે વહેલી પરોઢ સુધી ચેકીંગ કર્યાં બાદ જવાબદાર અઘિકારીઓ દ્વારા ગૃહમંત્રાલયને રિપોર્ટ સુપરત કરેલ છે.                

પ્રાથમિક તબક્કે બે ત્રણ જેલમાં મોબાઈલ કે બીડી, સિગારેટ સિવાય કોઈ ગંભીર બાબત પ્રકાશમાં આવી નથી, ખુદ ગૃહમંત્રી હર્ષભાઈ સંઘવી દ્વારા ગાંધીનગર કમાન્‍ડ કન્‍ટ્રોલ પરથી નિરીક્ષણ કર્યું હતું.                   

 રાજ્‍યના મુખ્‍ય પોલીસ વડા વિકાસ સહાય, રાજ્‍યના જેલ વડા ડો.કે.એલ.સેન.રાવ, લો એન્‍ડ ઓર્ડર વડા નરસિંહમા કોમાર તથા ગુપ્તચર વડા અનુપમસિહ ગેહલોત વિગેરેના વડપણ હેઠળ રાજ્‍ય ભરના ક્રાઇમ બ્રાન્‍ચ અધિકારીઓ, એસ. ઓ.જી સ્‍ટાફ વિગેરે જોડાયા હતા, બોડી વોર્ન કેમેરા સાથે પણ પોલીસ કાફલો સર્ચમાં સામેલ હતો.