Gujarati News

Gujarati News

News of Saturday, 24th February 2018

મહેસાણામાં કન્‍યા શાળા નં.૧માં શાપ નીકળતા અફળાતફળી :૩૮ મીનીટ સુધી દહેશત :નિષ્‍ણાંતે ચાપ પકડતા હાશકારો

મહેસાણામાં કન્‍યા શાળા નં.૧માં શાપ નીકળતા અફળાતફળી :૩૮ મીનીટ સુધી દહેશત :નિષ્‍ણાંતે ચાપ પકડતા હાશકારો

મહેસાણા: કન્‍યા શાળા નં. ૧, અહીંના હૈદરી ચોક વિસ્‍તારમાં આવેલ છે આ શાળામાં અચાનક મોટો સાપ નીકળતાં દોડધામ મચી હતી. સાંજે ૪.૧૦ કલાકે નીકળેલા સાપને પકડી લઈ નિર્જન અને સલામત જગ્યાએ છોડી દેવામાં આવ્યો હતો. સળંગ ૩૮ મિનિટ સુધી સાપને કારણે કન્યા શાળામાં દહેશત ફેલાઈ રહી હતી અને સાપ પકડનાર નિષ્ણાંતને બોલાવ્યા બાદ સાપ પકડાયો હતો. ત્યારબાદ, શાળાના સ્ટાફ અને છાત્રોએ હાશકારાનો અનુભવ કર્યો હતો.

આધારભૂત સૂત્રો દ્વારા પ્રાપ્ત થતી માહિતી અનુસાર મહેસાણા શહેરમાં હૈદરી ચોક વિસ્તારમાં આવેલી કન્યા શાળા-૧માં ગઈ કાલે ૪.૧૦ કલાકે એક મોટો સાપ આવી ચઢયો હતો. જેના કારણે ત્રસ્ત સ્ટાફે વિવિધ સ્તરે મદદ માટે જણાવેલ.

અહીંના  ડિઝાસ્ટર કચેરીને જાણ સાંજે ૪.૧૦ કલાકે થઈ હતી. તુરંત ૪.૧ર કલાકે સામ પકડનાર જયંતિભાઈનો સંપર્ક કર્યો હતો. ત્યારબાદ, સાંજે ૪.૧૪ કલાકે વન વિભાગને પણ જાણ કરવામાં આવી હતી. ઘટના અંગે ૪.ર૪ કલાકે મહેસાણા મામલતદાર કચેરીને પણ જણાવાયુ હતું.

મળતી માહિતી મુજબ  સાંજે ૪.૪૮ કલાકે સાપ પકડનાર અન્ય જાણકાર મુકેશભાઈ આવી પહોંચ્યા હતા અને સાપને પકડી લીધો હતો. છેલ્લે સાંજે પ.૧૮ કલાકે વન વિભાગે સંદેશો પાઠવ્યો હતો કે, સાપને સલામત સ્થળે છોડી દેવામાં આવ્યો છે જેથી શાળામાં હાશકારો અનુભવ્‍યો હતો.

(1:45 am IST)
  • હોળીના તહેવાર પર પ્રવાસીઓની ભીડને ધ્યાનમાં રાખીને ભારતીય રેલવેએ ખાસ વ્યવસ્થા કરી છે. આ માટે 4 જેટલી વિશેષ ટ્રેન ચલાવવાની જાહેરાત કરી છે. આમાં મધ્ય-પૂર્વ રેલવે તરફથી 03561 આસનસોલ-પટના હોળી સ્પેશિયલ, 01657 હબીબગંજ-પટના, 08621 રાંચી-પટના, 03041 હાવડા-રક્સોલ ટ્રેનનો સમાવેશ થાય છે. access_time 4:06 pm IST

  • આજે સાંજે વડાપ્રધાન નરેન્દ્ર મોદી સુરતમાં રન ફોર ન્યુ ઈન્ડિયા કોન્સેપ્ટ પર નાઈટ મેરેથોનને ફ્લેગઓફ કરશે, ત્યારે સુરતમાં ભાજપના કાર્યાલયની બાજુમાં વિવાદિત પોસ્ટર્સ લગાવાયા છે. જેમાં નીરવ મોદી, વિજય માલ્યા, લલિત મોદી, જય શાહની તસ્વીર સાથે રન ફોર ન્યુ ઇન્ડિયા લખાયું છે અને પોસ્ટરના મધ્યમાં પ્રધાનમંત્રી મોદીની તસ્વીર મુકવામાં આવી છે. આ પોસ્ટરથી રાજકીય વર્તુળોમાં ચર્ચા જાગી છે. access_time 1:59 pm IST

  • સાઉથ આફ્રિકા સાથેની ત્રીજી ટી 20 મેચ પછી આઈસીસી ભારતીય ક્રિકેટ ટીમનું સન્માન કરશે. જેમાં આંતરરાષ્ટ્રીય ક્રિકેટ પરિષદ ભારતીય કેપ્ટન વિરાટ કોહલીને આઈસીસી ટેસ્ટ ચેમ્પિયનશિપની ગાદા સોંપશે. આઈસીસીની કટ ઑફ ડેટ 3 એપ્રિલ 2018 સુધી ભારતની ટેસ્ટ રેંકિંગને કોઈ પણ પ્રકારનું જોખમ નથી. access_time 2:02 pm IST