Gujarati News

Gujarati News

News of Tuesday, 24th November 2020

વડોદરામાં કોરોના સંક્રમણના વધતા કેસને ધ્યાનમાં રાખી કોર્પોરેશન દ્વારા તપાસ હાથ ધરવામાં આવી:37થી વધુ દુકાનો સીલ કરી દંડ વસુલવામાં આવ્યો

વડોદરા: શહેરમાં કોરોના સંક્રમણ વધતા લોકો ભીડમાં એકત્રિત ન થાય, સોશ્યિલ  ડિસ્ટન્સનું પાલન કરે અને માસ્ક પહેરે તે અંગે અવેરનેસ આવે તે મુદ્દે વડોદરા કોર્પોરેશન દ્વારા પબ્લિક એનાઉન્સમેન્ટ ચાલુ રાખવામાં આવ્યું છે. બીજી બાજુ નિયમોનું પાલન ન કરવા બદલ સપાટો પર જારી રાખવામાં આવ્યો છે.

પ્રથમ દિવસે ૩૭ થી વધુ  દુકાનો અને લારી- ગલ્લા સીલ કરીને રૃા.૫૪ હજારથી વધુ દંડ વસૂલ કર્યો હતો. ગઈકાલે પણ ૨૫ દુકાનો અને લારી ગલ્લા સીલ કરીને રૃા.૪૮૭૦૦ દંડની વસૂલાત કરી હતી.

આજરોજ વિવિધ વોર્ડની ટીમો દ્વારા પબ્લિક એનાઉન્સમેન્ટ સિસ્ટમ દ્વારા અવેરનેસની કામગીરી દરમિયાન બાર વહીવટી વોર્ડમાં વિવિધ સ્થળોએ ચેકિંગ દરમિયાન કોવિડ-૧૯ની ગાઈડ લાઈનનું પાલન થતું ન થતું હોવાને કારણે ૮ દુકાનો તેમજ લારી- ગલ્લા સીલ કરવામાં આવ્યા હતા.   માસ્ક ન પહેરનાર અને સોશિયલ ડિસ્ટન્સીંગનું પાલન ન કરનાર પાસેથી રૃા.૬૭,૫૦૦ના દંડની વસુલાત કરવામાં આવી હતી.

(5:02 pm IST)
  • અમદાવાદમાં 45 નવા કન્ટેન્મેન્ટ ઝોન જાહેર : અમદાવાદ મ્યુનિસિપલ કોર્પોરેશને અમદાવાદ શહેરમાં 45 નવા માઇક્રો કન્ટેનમેન્ટ ઝોન જાહેર કર્યા. access_time 9:54 pm IST

  • દેશમાં કોરોનાના નવા કેસ કરતા સ્વસ્થ થનારની સંખ્યામાં વધારો :એક્ટિવ કેસમાં સતત ઘટાડો :રાત્રે 11 વાગ્યા સુધીમાં કોરોનાના નવા 34,564 કેસ નોંધાયા:કુલ કેસનો આંકડો 91,75,876 થયો :એક્ટીવ કેસ ઘટીને 4,37,778 થયા:વધુ 39,364 દર્દીઓ સ્વસ્થ થતા કુલ 86,00,808 રિકવર થયા :વધુ 440 લોકોના મોત સાથે કુલ મૃત્યુઆંક 1,34,213 થયો access_time 12:36 am IST

  • મનોજ સીસોદીયા ઉપર ભાજપ બરાબર તૂટી પડ્યુઃ દિલ્હીના ઉપમુખ્યમંત્રી 'આપ' પક્ષના મનીષ સીસોદીયા એક લગ્નમાં 'માસ્ક' પહેર્યા વિના ઉપસ્થિત રહેતા ભાજપે ટ્વીટમાં લખ્યુ છે કે 'ચલણ માત્ર જનતા ભરશે અને આપ તે પૈસાની જાહેરાત આપશો' access_time 3:48 pm IST