Gujarati News

Gujarati News

News of Tuesday, 24th November 2020

કોરોના મહામારીને કારણે સિદ્ધપુરમાં પારંપરિક ભરાતો 7 દિવસીય કાત્યોકનો મેળો રદ કરાયો

26 નવેમ્બરથી 1 ડિસેમ્બર સુધી ભરાનાર કાત્યોકનો મેળો નહીં યોજાય

અમદાવાદ :કોરોના મહામારીના કારણે વધુ સંક્રમણ ન ફેલાય તે માટે સિદ્ધપુરમાં દર વર્ષે ભરાતો કાત્યોકનો મેળો આ સાલે રદ કરવાનો નિર્ણય લેવાયો છે. સિદ્ધપુરમાં પ્રાચીન પરંપરાથી સરસ્વતી નદી કિનારે કારતક માસની પૂનમ સુધી પિતૃતર્પણ કરવાનું મહત્વ હોય સિદ્ધપુરમાં દર વર્ષે 10 થી 12 લાખ લોકો પોતાના પરિવાર સાથે સિદ્ધપુરમાં પિતૃતર્પણ કરી સરસ્વતી નદીના પટમાં ભરાતા મેળામાં આવે છે. પરંતુ ચાલુ સાલે કોરોના મહામારીને કારણે ગુજરાત સરકાર દ્વારા કોઈપણ પરંપરાગત મેળાઓ કે જ્યાં લોકોની ભીડ થતી હોય તેની મંજૂરી આપવામાં આવી નથી.

   કોરોના સંક્રમણનો પીક સમય ચાલતો હોય સિદ્ધપુરમાં પણ દિન-પ્રતિદિન કોરોનાના કેસો વધી રહ્યા છે. જેને લઈ આ વર્ષ કાર્તિક માસમાં બારસથી વદ બીજ સુધી એટલે કે 26 નવેમ્બરથી 1 ડિસેમ્બર સુધી ભરાનાર કાત્યોકનો કોરોના મહામારીના કારણે મેળો રદ કરવામાં આવ્યો છે તેમ સિદ્ધપુર મામલતદાર કનકસિંહ ગોહિલે જણાવ્યું હતું.

(10:34 am IST)
  • પુતિન હજુ પણ બાયડનને અભિનંદન આપતા નથી : રશિયાના રાષ્ટ્રપતિ પુતિનને જયારે જો બિડેનને અભિનંદન આપી રહેલા વિશ્વ નેતાઓ વિશે પૂછવામાં આવ્યું, તો તેમણે : કહ્યું કે, "આ તેઓએ જોવાનું છે." પુટીને સત્તાવાર જાહેરાત ન થાય ત્યાં સુધી બાયડનને પ્રમુખ તરીકે અભિનંદન આપવાનો ઇન્કાર કર્યો છે. access_time 9:52 pm IST

  • નામ છુપાવીને લગ્ન કરનારને 10 વર્ષની જેલસજા થશે :' લવ જેહાદ ' મામલે ઉત્તર પ્રદેશ કેબિનેટમાં કડક કાયદો પસાર : વિધર્મી સાથે લગ્ન કરતા પહેલા ડીસ્ટ્રીકટ મેજિસ્ટ્રેટની મંજૂરી લેવી પડશે : બે મહિના પહેલા નોટિસ આપવી ફરજીયાત : મંજૂરી વિના ધર્મ પરિવર્તન કરી લગ્ન કરવા બદલ 6 માસથી 3 વર્ષ સુધીની જેલસજા થઇ શકશે : ઉપરાંત 10 હજાર રૂપિયાનો દંડ થશે : છેલ્લા થોડા દિવસોમાં ફરજીયાત ધર્માન્તર ,લવ જેહાદ ,સહિતના 100 જેટલા કિસ્સા બનતા યોગી સરકાર આકરા પાણીએ access_time 7:59 pm IST

  • અમદાવાદના રાત્રી કર્ફ્યુને લઇ આવ્યા મોટા સમાચાર : કોરોના સંક્રમણ ને લીધે અમદાવાદમાં 7મી ડિસેમ્બર સુધી રાત્રી કર્ફ્યુ જાહેર : અમદાવાદ પોલીસના જાહેરનામામાં તારીખનો ઉલ્લેખ : પોલીસ કમિશનરે જારી કર્યું છે જાહેરનામું access_time 6:39 pm IST